Forever 友緣西餐 (已結業)

友缘这餐厅开业唔系好耐，但每晚放工返企行过都爆满。于是早咗一个星期book, 带埋男友一齐黎食！餐厅装潢最吸睛嘅地方系大盏水晶灯高高挂喺天花，加上蓝绿配搭，俾人一种好华丽优雅嘅感觉。呢度唔会好似其他西餐厅咁快快上菜好似赶人走咁，反而俾你慢慢叹。无几耐佢地就送了2杯餐前饮品，系热情果shooter 杯饮品，几特别同开胃。食物都有好多选择，于是我们就点咗前菜两款水牛鸡翼同焗蟹肉大啡菇。先说水牛鸡翼，个汁唔系好辣，而鸡翼又唔会炸到太干，保留到啲肉汁嘅。每次去到有水牛鸡翼嘅地方都会试试,，辣味嘅调配往往令人惊喜。而焗大啡菇个馅全部都系蟹肉，而且仲用芝士焗，未食已经闻到阵阵香味，我觉得蟹肉同菇都几创新这配搭，下下食烟肉同芝士都会闷啦！反而呢个都几夹。而主菜我拣咗比目鱼，比目鱼煎到啲皮都算脆,入面嘅肉都滑唔会干，而且仲配埋龙虾汁,好有提鲜嘅作用，真是非常惹味，如果汁再多啲就更好！啲配菜都是用心制作，用有炒过，不会只系用热水灼一灼就算。特别推介甜品apple sorbet，系用原只苹果上,非常特别，而sorbet有淡淡然嘅苹果清香，甜同酸味适中，可以慢慢从真·苹果杯中一啖接一啖，令人想食完再食，回味