Amour Green (已結業)

其实外食时真系会脑闭塞，谂唔到去边到食，今次又一实例，求其上网睇下食评揾到呢间就去啦！入到去一条长楼梯，仲有「草墙」（∩▽∩）灯光嘅昏暗，系情侣拍拖格调是也，唔算多人，坐得ok舒服，最紧要唔赶人走。由于二人当日系选择困难，加上餐牌食物选择唔多，都费事睇啊！叫左个2人餐，好似200几蚊，是日餐汤已经唔记得系咩，因为太普通唔系特别好饮，冇太大印象，沙律醋令个green salad生色不少。呢个肉酱长通粉细细碟，份量够2个女仔，如果同男仔黎应该唔够，蕃茄味唔会过份酸，系酸中带点甜果种，肉就唔算多啊，好彩个汁搭够，如果热啲先上台会更好，唔够热啊！呢个牛扒真系。。。好失败，又干又鞋又un，一边切一边练手臂肌肉，系用力切果只㖞，而且咬到咀嚼肌都大哂，成碟野最好味系薯蓉 （爆）呢杯香蕉乜乜smoothie又几正㖞，唔太甜而且香蕉味好浓啊！花茶岩哂养生嘅女仔，我明。。饮热野系好啲嘅，淡淡嘅花茶饮左都唔会瞓唔著 (*^ω^*)环境系几okay嘅，但食物质素可以再好啲吖。