The FOOD FACTORY (已結業)

同朋友行经旺角，拣咗呢间餐厅黎食原条慢煮牛仔骨伴农场蔬菜听到原条慢煮已经觉得好吸引，牛仔骨切出黎之后有好多块，每块都好有咬口，牛味好香浓，食落都唔系好多根，慢煮牛柳就食得多，原来慢煮牛仔骨都可以咁出色。美国猪鞍伴夏威夷菠萝大大去猪鞍系面前，一切开已经感觉到入面啲肉汁锁住住系里面，食落一啲都唔鞋口，煮得恰到好处！配埋伴碟的菠萝，味道酸酸味味又多汁，非常趁托到猪鞍的肉感。水牛城鸡腿🍗有成三只，啖啖肉，炸得好香口，但又唔系好油腻，因为佢有沙律菜伴碟，食落好爽口。挪威烟三文鱼沙律味道好新鲜，食落口感一流。因为好多菜，配上美味的三文鱼，味道好丰富。洛神甜莓莓干茶好大一壶茶，冲到4-5杯。饮落酸酸味味，好提神下，有个小烛台助热住，唔怕摊到冻晒。