Lassana Coffee (邦暉大樓) (已改名) 查看

同朋友想揾间cafe慢活一吓，就揾到呢度，虽然大热天时拖住浩浩，我又有D路痴，但嚟到真系无后悔。环境好舒服，如果唔系天气太热，坐出面真系会好有外国feel。🌹玫瑰蓝蝶花梳打记得要捞匀饮，如果唔系会无味㗎。捞匀后好香玫瑰味，沟梳打水唔太甜，而且颜色好靓，钟意佢唔太甜又打卡一流。🍊橙柚百爵茶百爵茶味好出，但又唔会抢咗橙柚味，成件事好夹，夏天好消暑。🍳All Day Breakfast一上枱就劲开心，因为好丰富，有齐bacon、croissant、沙律菜、肠、炒蛋、炒杂菇、烟三文鱼同茄汁豆。Bacon 好香仲唔会好咸，会想系咁食。菇都炒得好香，小朋友都啱食。牛角包外脆内软，好好食呀！🍝照烧酱原条鳗鱼意粉意粉配菇同洋葱一齐炒，挂满汁好香，硬度适中，仲甜甜地好惹味。原条鳗鱼视觉好震撼，仲好好食甜咸度都啱啱好。🧇自家制焦香蕉窝夫山配巧克力冰淇淋Waffle上枱时仲暖暖地，好香蛋味外面好香口里面好松软。雪糕有朱古力碎而且好重朱古力味，配埋暖暖地嘅窝夫一齐食好味👍🏼焦糖香蕉俾浩浩食晒，焦糖整得好脆好脆，唔错👍🏼