影片
更多
2015-02-28
555 浏览
要带住3个马骝食个下午茶，虽然见门口排队，不过客人都入得好快，好幸运刚好有6人位，15分钟入得，环境光猛干净！装修好简单！坐低查下食评，见多人赞多士，所以先叫两个吐司套餐（$39）包埋饮品同糖心蛋，再加个隔离枱卖相几好嘅河粉！排队落单好慢，只有5个人嘅队，都要排15分钟，之后攞埋呼叫器返枱，放在枱面贴纸指定位置，本来系方便店员送上食物，但我见几个店员每次都盲头乌蝇咁走几个圈先揾到个客，都唔知做乜！浪费晒啲时间！海鲜河粉（$45）：献汁好多，好杰，好在味道唔错，河粉份量唔多，几滑！似湿炒河粉！𩠌菜唔多，有中虾（两只）几爽，鱼片好薄，无口感，半棵小棠菜（最唔钟意，比肥髀食）鱼肉好碎，好在唔腥，都唔错！吐司套餐（两个）Set B:咖椰花生酱吐司：好普通嘅花生酱多士，无咖椰酱味，多士焗得太干，只有脆，无水份，无外脆内软嘅感觉！差！Set E:法式咖椰芝士吐司：呢款多士感觉完全唔同，系似西多咁沾蛋汁煎，有蛋味，口感烟韧，中间芝士溶晒流心，好香浓！配一小兜咖椰酱，点埋一齐食，咸咸甜甜几得意！跟餐糖心蛋：好滑好浓蛋味，加酱油千万千万唔好贪心，会好咸（浪费了！最多三滴）跟餐鲜奶咖啡：好香浓好滑，我平时
装修好简单！坐低查下食评，见多人赞多士，所以先叫两个吐司套餐（$39）包埋饮品同糖心蛋，再加个隔离枱卖相几好嘅河粉！
排队落单好慢，只有5个人嘅队，都要排15分钟，
之后攞埋呼叫器返枱，放在枱面贴纸指定位置，本来系方便店员送上食物，但我见几个店员每次都盲头乌蝇咁走几个圈先揾到个客，都唔知做乜！浪费晒啲时间！
海鲜河粉（$45）：献汁好多，好杰，好在味道唔错，河粉份量唔多，几滑！似湿炒河粉！𩠌菜唔多，有中虾（两只）几爽，鱼片好薄，无口感，半棵小棠菜（最唔钟意，比肥髀食）鱼肉好碎，好在唔腥，都唔错！吐司套餐（两个）
Set B:咖椰花生酱吐司：好普通嘅花生酱多士，无咖椰酱味，多士焗得太干，只有脆，无水份，无外脆内软嘅感觉！差！
Set E:法式咖椰芝士吐司：呢款多士感觉完全唔同，系似西多咁沾蛋汁煎，有蛋味，口感烟韧，中间芝士溶晒流心，好香浓！配一小兜咖椰酱，点埋一齐食，咸咸甜甜几得意！
跟餐糖心蛋：好滑好浓蛋味，加酱油千万千万唔好贪心，会好咸（浪费了！最多三滴）
跟餐鲜奶咖啡：好香浓好滑，我平时唔太饮咖啡都觉得易入口！瓦杯存热唔错！
跟餐鸳鸯：家姐饮，佢话好好味！
跟餐冻咖啡：姐夫饮，好味！食物唔错（至少我无叫其他食家讲嘅出事食物）但服务真系唔可以接受，厨房出菜超慢，佢嘅食物只系小食，由落好单1558（单据时间）到第一样多士上枱，系1620，虽然系爆场，但食客都系几十人，次序仲要错晒，多士、河粉上晒，糖心蛋同饮品都未见！问店员话做紧，几个店员都系慢动作，出面排晒队，但系有枱无人执（如果我在出面等紧位，真系眼火爆），店员攞住食物揾客，浪费晒啲时间，上咗菜又唔会比埋餐具，要问先去攞（多士比胶叉，七个人比四只，又要走多转攞，浪费时间），又走多转，完全无效率，到晒食物要交返呼叫器比店员，但佢哋又唔收！继续游魂！啲食物其实好快食，但用晒啲时间排队、落单、等出菜⋯⋯！厕所仲奇怪，要交低$30按金攞锁钥去商场一楼厕所！第一次餐厅食个饭，去厕所要按金！所以我系无去到！
真心希望佢改善下！唔系食物再好味，食客都顶唔顺呢啲慢活待客之道！
张贴
