Lagom Kaffe (已結業)

星期一放假去咗 Lagom Kaffe 牛頭角店，9:30 去到卡位已經坐滿。café 好大，香港難得一見嘅闊落cafe，似台灣 cafe，坐落感覺舒適。  早餐算多選擇，都有11款，有湯麵類同扒類，最後我地叫咗牛肉意粉拼太陽蛋及火腿牛角包同埋叫咗特級早餐拼牛扒。食物由機械人送到，份量好充足，可以食完唔洗食 lunch。   食物方面，溫度同味道都中上，特級早餐拼牛扒份量好足，薯餅放咗好耐都係脆，而且一d都唔油。牛肉意粉拼太陽蛋及火腿牛角包都好大碟，牛角包酥脆，雞蛋有蛋香，應該唔係用 cheap 蛋。值得一提係湯麵類可以免費轉辛辣麵同凍飲唔洗加錢。Overall 我地坐咗3個鐘，職員冇催我地走，早餐選擇多而且份量充足，價錢合理，餐廳空間感大，值得再去。