怡寶馬來西亞風味餐廳 (已搬遷) 新店位置

今朝好早返到灣仔，周圍行搵早餐食。見到呢間入面都有唔少人，應該好食，走左入去試下。叫左個豬扒麵早餐，配炒旦腸仔，熱飲，都係$32。灣仔黎講算係價錢公道。不過等左成20分鐘碗麵都未黎，搞到個人都幾心急。不過一個貌似老闆娘的女仕都好好人，即刻幫我跟單。跟住好快就有得食，臨走仲有同我講唔好意思，話今日廚房部出單的機壞左，所以有甩漏。條氣真係順哂，所以話服務態度係好重要。食物方面都唔錯，豬扒好食，炒旦ok, 腸仔就放到凍左少少。