夏捌月 (已結業)

同女朋友到元朗食晚餐，当晚想食西餐，经朋友介绍下选择咗夏捌月，名字好特别，由于餐厅内的座位唔多，建议可预先订位，节省排队等候嘅时间，店面装修好特别，以简单嘅灰色批荡为门面，店内装修时尚，暗暗嘅灯光感觉舒适，墙上挂咗好多marvel嘅画。我哋分别叫咗慢烤带骨肉眼牛扒配牛骨髓汁、原只烤焗德国猪手。每款主菜6点后都可以优惠价20蚊配是日餐汤 加酥皮焗加18蚊及热饮。酥皮汤可选择忌廉汤或罗宋汤，我哋都选择咗忌廉汤，忌廉汤煮得好香滑，味道适中，酥皮亦好够牛油香味。慢烤带骨肉眼牛扒，牛扒好大块，鲜嫩多汁 食落肉汁渗出，牛味香浓，值得推介。原只烤焗德国猪手上枱时已经斩件，方便进食，外皮焗得好脆，味道唔会太咸。食物质素一流，必定再次光顾。