影片
更多
2017-09-16
614 浏览
「慢煮」（真空低温烹调）依一种煮食技巧相信唔少人都已经知喺咩嚟，以往晌唔少餐厅都品尝过以此煮成嘅菜式，而大多数做出嚟嘅效果都唔会差得去边，可以讲喺万无一失嘅方法。最近，有食友报料话观塘有一家餐厅以慢煮为卖点，听落好有兴趣，所以，专登走访一下呢间「慢煮工房」。餐厅位处有唔少Outlet及食肆嘅骆驼漆大厦，呢幢厂厦都算喺「环境」企理嘅厂厦，上到楼层都唔会太残旧。晌门口已见有慢煮嘅介绍，又有好精致嘅大型晚餐菜底介绍，务求多一点吸引。单睇门面真喺一啲都唔似开晌厂厦；而走到餐厅内笼，格局喺一字长形，一眼睇晒，左边有开放式厨房加吧位，右边喺挨墙用餐区，装修简约，空间感十足，再配以柔和嘅灯光，感觉轻松无拘束。此外，睇到头顶架设咗投影机，再望望开放厨房下有活动屏幕，就知有包场服务。整个场唔太大，又无柱位遮挡，最适合二、三十人嚟包场。晚市只提供四道菜晚餐，包夏日果茶、前菜、特制餐汤及主菜，定价介乎$118-$398，赞好其脸书送甜品一客，而额外点其他饮品有半价优惠，更全日唔收加一服务费。夏日果茶依度好得意，一开始上一杯冰凉果茶俾客人，你可以当佢喺餐饮，不过，味道就无得拣，个人就觉得俾客人拣餐饮喺好啲，始
慢煮工房」。
餐厅位处有唔少Outlet及食肆嘅骆驼漆大厦，呢幢厂厦都算喺「环境」企理嘅厂厦，上到楼层都唔会太残旧。晌门口已见有慢煮嘅介绍，又有好精致嘅大型晚餐菜底介绍，务求多一点吸引。
单睇门面真喺一啲都唔似开晌厂厦；而走到餐厅内笼，格局喺一字长形，一眼睇晒，左边有开放式厨房加吧位，右边喺挨墙用餐区，装修简约，空间感十足，再配以柔和嘅灯光，感觉轻松无拘束。
此外，睇到头顶架设咗投影机，再望望开放厨房下有活动屏幕，就知有包场服务。整个场唔太大，又无柱位遮挡，最适合二、三十人嚟包场。
晚市只提供四道菜晚餐，包夏日果茶、前菜、特制餐汤及主菜，定价介乎$118-$398，赞好其脸书送甜品一客，而额外点其他饮品有半价优惠，更全日唔收加一服务费。
夏日果茶依度好得意，一开始上一杯冰凉果茶俾客人，你可以当佢喺餐饮，不过，味道就无得拣，个人就觉得俾客人拣餐饮喺好啲，始终有啲人唔喜欢饮茶品或冻饮。不过，话说回头，杯夏日果茶饮落应该喺桃味乌龙茶，清甜有茶香，感觉唔错。
鸡肉沙律前菜嘅沙律，唔算话好特色，鸡肉加上沙律菜、车厘茄配胡麻汁，但胜在稳阵，鸡肉够嫩滑，沙律菜新鲜爽脆。
南瓜汤餐汤佢店家标示喺特色餐汤，嚟到只喺南瓜汤，似乎无咩特别，但入口有种轻微嘅唔同感，就喺唔多觉加入忌廉，朕南瓜味好浓郁，质感幼滑，好有原味嘅感觉；蒜蓉法包亦焗得香脆，充满蒜香。
南瓜汤
2 浏览
0 赞好
0 留言
西班牙伊比利猪鞍、北印度干果饭、苹果薄荷慕丝 $288友人竟然喺因为个北印度干果饭而相中依道菜，所以，人人味道唔同，喜好不一。猪鞍非第一次食，但做到咁大件，咁厚切，就真喺第一次，所以，道猪鞍一上道，卖相有少少震撼感，而且，烧得好靓仔。
切开猪鞍睇睇，落刀已感觉到肉质𠮶份软腍，色泽呈粉红。先试一小口，外层焦脆，细嚼肉质仲有份爽脆感，呢个正正喺猪鞍嘅特点，加上以真空慢煮嚟做，未煎之前已熟得八八九九，再煎封外层，令肉汁丰盈，又好有猪肉味，不愧西班牙黑毛猪种；伴酱嘅苹果薄荷慕丝亦好好味，清爽中渗出丝丝果香清甜。
至于个饭，有别于平时食印度饭𠮶种长米，口感似意大利饭，内里混有好多干果及果仁，令饭粒有微甜，感觉真喺好特别。
纽西兰双骨羊架、自制薄荷酱、忌廉薯蓉 $208所谓双骨羊架，就喺每件羊架裁成两支骨嘅份量，再配上薯蓉、紫洋葱、蕃茄粒，整体真喺唔少嘢。
经过慢煮再烧，支羊架超好食，外脆内嫩，肉质软腍到不得了，极富肉汁，微微嘅膻香，唔太食羊嘅朋友都应该OK，沾上自制嘅薄荷酱，点点冰凉感衬托出肉香；几样伴菜，薯蓉打得幼滑，薯味浓，紫洋葱炒得仲有少少爽口感，蕃茄粒酸香减腻。
试咗两款慢煮菜式都好有水准，而且，份量颇多，慢工唔一定出「细」货，好似今晚所点嘅两个晚餐，计落3个女生都够晒食，而沙律同餐汤，亦都无迤做。招呼方面，做足基本咁啦，但上菜节奏唔错，亦都做到同步，整体，友人非常满意今晚嘅介绍。
张贴
