慢煮工業 (已結業)

今期兴慢煮想试好耐，今日就book了太子道西的慢煮工业试吓。去到店子虽然唔太大，但座位唔窄，环境又带有田园色彩，点餐以自助形式。叫咗两只开边芝士焗波士顿龙虾，个龙虾头仲有膏，呢个价有呢个质素真系有惊喜。再叫咗只水牛城炸鸡半只，佢个汁整得好开胃，鸡皮好脆，而鸡肉好嫩滑，仲保留到满满嘅肉汁，重点系只鸡味好重，无雪味。而个炸海鲜有鱼柳，鱿鱼圈，虾，仲有附上沙拉酱同柠檬，个鱼柳炸到好脆，而鱼肉又白雪雪，鱿鱼圈炸到刚好，无过火候，而虾都系好出色，全部炸物唔会油淋淋咁。蒜香芝士排包系出面未见过，用蒜头加芝士焗到好香脆，一上枱已香气诱人。仲有芝士菠菜焗蚝，上面有香浓香脆嘅芝士，加上内里嘅菠菜，夹杂著蚝嘅鲜味，呢个真系must order item 啦。