我愛慢煮 (孖沙街) (已結業)

难得放假，要脱离一下冲冲冲嘅生活，黎到我爱慢煮，感受慢活，用心好好享受一餐。有猪牛羊鸡、海鲜，钟意食咩肉都有选择。主菜叫咗美国安格斯特级平铁牛扒，秘制保湿猪胺架。呢到嘅牛扒Pre set系5-6成熟，煎得刚刚好。一切就见到粉嫩嘅粉红色。味道方面本身牛肉浓，细味咁嗒，简单调味已经带出味道。猪胺架厚切，口感满足。虽然厚身，但肉质唔嚡口，有适当嘅油脂。配菜方面叫咗多推介嘅芝士温泉蛋大啡菇，又有芝士又有温泉蛋，呢个组合唔会出错。一切就有流心蛋效果。芝士味最得突出，之后有淡淡菇味。作为配菜味道唔会太抢。叫多咗个炸海鲜盘，各有两件，share岩岩好。海鲜有蚝、鱿鱼（谂起近来大热电视）、虾，仲有鱼柳。值得一赞系蚝新鲜，唔腥，炸得外脆内软。牛扒好大份，冇得唔慢慢食。不过，美食当前应要慢慢细味。