慢煮工業 (已結業)

今日我去左旺角行街既时候，特登听左我个老友讲去咗位于太子道西嘅慢煮工业开餐，贪佢抵食夹大件咁话。一去到就睇下个餐牌，慢煮工业比较特别，下午用自助形式，价钱较实惠，几十蚊起就有一大个套餐又唔使加一服务费，赞好。夜晚就用返传统形式，点餐服务，亦都不错的。今次两个人就要两份餐啦!全日早餐估唔到啲到嘅全日早餐竟然有一大块安格斯牛扒，慢煮嘅安格斯牛扒十分之有口感，又香，又唔会过熟，正! 另外佢仲有炒蛋，沙律，薯饼，芝士大啡菇同埋蜜糖饱，一于一次过来个大满足，计我话咁多野咁好食，应该叫做全日晚餐先岩。安格斯牛扒配薯条另外友人由于唔想食到太过heavy，就要左份安格斯牛扒配薯条，牛扒一样十分有口感同juicy，薯条热辣辣即叫即制，我估佢𥚃面有调味过，配以各种餐厅提供嘅芥辣茄汁辣椒仔等等，就成为非一般好味嘅炸薯条。饮品我哋要咗分别一杯香茅蜜桃乌龙茶，茶味香浓配以𥚃面既原件蜜桃，非常清新。另外要左一支叫做因果报应嘅可乐，其实系纽西兰入口嘅可乐嚟嘅口感不错有少少沙示嘅味道，Cool!