影片
更多
2015-08-24
1531 浏览
足足战斗左 3 小时半既 fine dinner，好满足！一行四人三娘教子式阵营，杀入 Sky！豪不犹豫、不慌不忙、轻摇淡写地不断翻弄 main menu 及 drink menu，开始计计我地今餐可以试到几多款头盘、主菜、甜品、饮品呢？步入 Sky 所在既大厦，升降机直冲顶层 25 楼！门一开就见到餐厅全貌，成一公整长方形，酒吧、厨房都清楚可见，开放式厨房可让厨师及食客交留一番，令我联想起寿司吧呢。现时晚上七点几，晚市时间尚早，所以只有五成 full。我地坐系落地玻璃旁景观开扬，居高临下尽览旺角街景。坐得都几舒服，餐桌数量及摆位未算过份挤迫，还可接受。装潢新颖前卫又不失高级西餐既传统格调，带出 warm 既感觉更能提高食欲及愉快感。仲发现身处环境被好多 ideal、homemade 既壁画包围，有写实、有人像、有抽象，颜色鲜明极具吸引力，有趣！大家都坐左段时间喇，依然埋头苦干地刨 menu，到底食咩好呢？样样都想试！不要再犹豫了，叫左 drinks 先，跟住头盘、汤、主菜、甜品。因为第一次黎，所以多事叮嘱讲多句请续道菜上，完左头盘先上汤之后主菜，唔够位放呢。但最后结果都系撞埋一齐，唔
现时晚上七点几，晚市时间尚早，所以只有五成 full。我地坐系落地玻璃旁景观开扬，居高临下尽览旺角街景。坐得都几舒服，餐桌数量及摆位未算过份挤迫，还可接受。装潢新颖前卫又不失高级西餐既传统格调，带出 warm 既感觉更能提高食欲及愉快感。仲发现身处环境被好多 ideal、homemade 既壁画包围，有写实、有人像、有抽象，颜色鲜明极具吸引力，有趣！
大家都坐左段时间喇，依然埋头苦干地刨 menu，到底食咩好呢？样样都想试！不要再犹豫了，叫左 drinks 先，跟住头盘、汤、主菜、甜品。因为第一次黎，所以多事叮嘱讲多句请续道菜上，完左头盘先上汤之后主菜，唔够位放呢。但最后结果都系撞埋一齐，唔够位放之余仲要食得急左，快快清左道菜腾出空间！又以为漏左个头盘鹅肝，点知饮完汤先到。最离谱主菜牛面额由七点半等到十点半终于都到，从那里搭飞机黎呢？其间已经向经理及侍应反映，但最终要同当值大厨讲啰，十几分钟即到。
餐桌上摆设同配套都好别致，特别系黑色涂层餐具，好有份量既刀叉，而且好靓啊！
Lemon & Thyme，welcome drink，强酸一样！带点糖水味、鲜柠汁味，果香及酒香混和。依个酸度我还接受到呀，仲好醒胃。大部份食客都觉得酸过头，我饮开劲酸柠什无问题啦﹗
Mountain goat，依只生啤完全未听过，我依款宅佬甚少出城，孤陋寡闻好正常。第一次品尝，啤酒够冰冻，甘苦味好出，甜味较弱，质感算厚，满意既。跟住到 house wine 喇，boby 都系厚身我钟意，味浓不涩够满意，合格，可以添饮。
超滑无盐淡牛油，滑到 cream 一样，淡牛油唔会盖过面包原味，而且面包香草味浓，最衰系冻面包。估唔到依个牛油面包加生啤既配搭会系天衣无缝，令到面包更香，仲令到啤酒浸出甜味呢。
牛油白酒煮蓝青口，点会咁架？系我食过最好味、最鲜甜、最滑溜弹牙、最 juicy 即白酒蓝青口呢！必食！蓝青口天然咸香，撞埋白酒清爽甜味加淡牛油香气，绝配 ﹗每款食材既份量恰到好处，就连配菜既蕃茄蒜片都非常美味，神内之笔也。但我揾极都唔见有 pepperoni 既？Menu 上面有写架㖞。
三文鱼他他配黑蒜辣根泡沫，听个菜名已经好鬼份子料理感觉。他他组合混上三文鱼粒、三文鱼籽、蕃茄粒、青瓜片、香草、等等，香气味道都非常清新脱俗。必定要加上特别的翠绿色辣根泡沬，辣根即系山葵 wasabi，浓郁既味道好神 奇，但完全不辣不呛，系香草味？系薄荷味？系忌廉？说不出！自己试试吧，好味！紧记每一口都要有齐全家人，三文鱼、鱼籽、蕃茄、青瓜、cream 混为一体，口感味道层次十分精彩，最紧要温度够清凉。
香煎五色胡椒吞拿鱼伴芒果酱，颜色鲜艳夺目，七彩缤纷，好靓！到现时为止每款菜式都精心设计，外观无得输！大啖品尝，芒果唔太食到呢，不过彩椒味强烈，清甜多汁又爽口，好喜欢最底层既大麦粉团混上青瓜碎，味道非常清新又特别，口感仲好得意添，好似意大利小米咽咽韧韧。顶层同底层既演绎即时将主角既吞拿鱼比了下去！吞拿鱼外层烤得香脆，中间棉滑带微微鲜鱼味道，将所有配料一齐食，味道同口感都非常丰富，赞！但揾唔到 5 色胡椒粒㖞，我屋企都有一樽看门口呢。另外，Mango with salsa 翻译成芒果酱令我有点误会呢，我真系以为酱添。
焦糖低温浸鹅肝，第一次冻食鹅肝，卖相唔洗讲系 No.1 啦。鹅肝肥美油润俱光泽，味道浓郁，幼滑湿润，估唔度感觉会咁清爽架，完全没有半点油腻感，点少少草莓果酱更醒胃。配埋焦糖饼底带少少脆口，特别而有惊喜，满足！一开四，四个人分，少食多冶味。
酥皮焗半干蕃茄，睇个名真系估您唔到啰！原来系冷盘黎。半干蕃茄超冰冻，十足雪柜刚放出黎，不过冻得好爽好过瘾。因为失去部份水份程半干状态，所以蕃茄味道浓缩起来，浓郁蕃茄汁非常清甜，比一般鲜茄味道香浓几倍呀！净食蕃茄已经好满足，加一点芝士碎可点缀一下。室温既酥皮好干爽松化，完全无半点油腻感，好明显系自家做，但味道过份清淡，跟冻茄味道唔多夹呢，酥皮都系配浓味酱或馅料较适合。食完几个头盘已发觉个 menu 资料有点问题，令我有好多疑问呢 ﹗
经过一轮一皇三后既激烈前奏后，终于黎到今晚 rundown 既 part 2 喇 ﹗我最喜欢饮汤的呢。
野菌黑松露忌廉汤，温度还算满意，都够热。鬼佬汤传统都唔会出晒烟滚晒咁上枱架喇！其实不轮中汤或西汤我都钟意出晒烟刚刚烫咀既温度，最香最好味。食唔出泡沫系咩成份，抱歉。打碎左既野菌，做成厚厚浓缩菌汤香到不得了，直头系菌汁，远远已经闻得到！混上黑松露，香气系口腔内久久不散，而且非常幼滑香浓，认唔住不停地一羹接一羹地送入口，好美味啊！搞到我挂住法式忌廉蚝汤啰，同样将蚝打碎。哗！蚝味超浓缩，好怀念呀！
法式洋葱汤，非常静态既演绎，侍应静静地放下就离开。洋葱汤没发出半点声音，亦无任何动作，非常寂静。为左打破闷局，我唯有出手啦！大大力插到底，发现洋葱载得满满的，反而令到汤水太少啊。传统地系面放块多士加芝士，多士索尽汤汁又有降温作用，所以汤只系微暖，不过真系唔够热㖞，芝士又得一笃仔，我印象中应该同多士一样大小呢。连渣带汤送入口，好甜既洋葱味，免强饮得到淡淡牛清汤味道，似乎炒洋葱时落糖稍多左，味道太呛，整体满意既。因为我一向唔多食甜品，连饮咖啡都要走糖走奶，此汤不太适合我。
西瓜冻汤，卖相就好靓喇，血红色既汤汁添上缘色薄荷叶及撒上薄荷粉作点缀，红撞绿对比鲜明，极为吸引增加食欲。轻尝一口，好甜好浓缩既西瓜汁呢，甜得过份，可以放到最后做甜品，一来太甜、二来唔够冻，接近室温。回想我系半岛个西班牙蕃茄冻汤清爽凉快既味道及感觉，仲有特别既金属器皿用冰填住，依只西瓜完全被比下去了。
Sky 只供应 3 款汤，part 2 完毕。中场黎个香煎美国芦笋，清甜爽嫩多汁，脆口没半点渣，少少牛油煎香已经好好味，满分无投诉。终于都到主菜出场，幸好我食到依家都未够 5 成饱呢，状态大勇！
龙虾油蕃茄虎虾意大利粉，热辣辣送到，好香㖞！仲几靓仔。慢煮虎虾非常爽弹且虾味浓，保持原有天然鲜甜味，虾肉约八九成熟，好香好爽好甜，perfect！意粉捞上龙虾油同炒，份量均匀不过份不油腻，刚好黏上个吋意粉。感觉得到的回香龙虾味道，再并上蕃茄及香草，撞得精彩又非常地夹！弹牙咽韧既意粉在舌头及齿缝间打转，坚好味，超水准！我想整碟据为己有，但四个人只能分到一小碟啊，哈哈。
墨西哥烧鸡好好味，比想象中好食百倍，外皮好香，里面嫩滑 juicy，配上特色墨西哥香料酸辣酱更添风味又开胃，但要我一个人要食 4 份 3 只鸡实在有压力，虽然我食得晒，而且好味道，但我仲要留 quota 食多几款菜架麻！伴碟既焗蒜子粉口又够香，十足炸蒜子。队完只鸡搞到 8 成多饱喇，惨！
烧 16 小时慢煮辣猪肋排，死喇！开始食唔落呀！猪肉劲腍，旁边既脂肪胶口滑溜，比系其他餐厅食开既猪肋骨较多肉较肥美。猪味十分浓郁，涂上厚厚既甜酱汁，但辣味完全感受唔到，再配上甜既烧烤酱，食落都几滞呢。我比较钟意有咬口、弹牙既肋排，多于依家腍到散开既肉碎啰。
慢烧牛面额，等左两个几钟既牛面额，又漏单又去错又再煮过，终于送到。期望过高，全 menu 最贵，约 4 百大元左右，我宁愿食潮式清汤牛腩既牛面珠好食百倍。依旧虽然卖相出众又吸引，但质地腍到散开，味道微膻，我完全觉得自己系食紧炆羊膝，质感味道演绎都一模一样。
开心既时间好快过，话咁快又到尾声喇！甜品时间！虽然我唔太吃甜，不过间中都会食甜品，尤其是丰富晚餐后。
最好味系第一道 baileys 牛奶慕丝，配上大量什草莓同吃，连我唔食甜品既都超赞，必食！酸度高既草莓配上极甜牛奶刚刚好互相中和，滑溜溜，味道酸酸甜甜好醒神。云尼拿酒微微既酒香将草莓跟牛奶慕丝既味道带到更高层次，既复杂而细致，推介。
朱古力心太软？唔流心，唔开心。黑朱古力味够浓郁还可以，但完全无冰火感觉啰。雪糕唔够冰冻、蛋糕又唔够热、过熟唔流心，我系屋企整好食过佢！只系特别地有几旧橙垫底，叫有点创意。
燋糖炖蛋，大家意见一致觉得面层燋糖太厚，虾饼咁厚，并不是薄薄的一层镀膜，亦不是一碰就碎的脆片。用点饮奶力将燋糖敲破，真系几硬下，终可品尝到下面既炖蛋。炖蛋合格大路满意，滑而带蛋香，反而做得太过薄，口感不足，味道都几甜。
蓝莓芝士蛋糕非常普通，不过不失无惊喜，pacific coffee 比佢更好味！有机会比一比味道及质感。
结尾黎左杯车厘子味既咳药水，朋友们话好劲，但对我依个酒鬼黎讲似饮糖水，唔口味，太甜喇！
今晚食得开心！饮得畅快！感谢要请我参加饭聚，辛苦晒所有老板、厨师、调酒师、经理、侍应既热情招待，thank you。
张贴
