慢煮工業 (已結業)

约咗好耐终于成行庆生活动。环境：太子站沿住太子道西一直行，唔算太难揾。一个比较狭长嘅街舖，当然无商场咁舒适。甜薯：尚算软硬适中， 隐约记得卅文左右，好抵食。炸海鲜：本身唔喜欢食海鲜，无食到虾，鱼普通，但个鱿鱼圈一啲都唔靭，隐约记得五、六十蚊左右，都ok抵啦。慢煮牛扒：十八安士，大概系二百八十文左右。慢煮的美就系软硬适中。佢无咩汁，系有啲盐，有啲黑椒，块扒煎到香香哋，正！Brownie：嗯四十文左右？味道正正常常。伯爵茶浸梨：好似五十文左右？好有趣，无违和，试下啦。顺带一提，呢度落单时俾钱。