慢煮工業 (已結業)

約咗好耐終於成行慶生活動。環境：太子站沿住太子道西一直行，唔算太難搵。一個比較狹長嘅街舖，當然無商場咁舒適。甜薯：尚算軟硬適中， 隱約記得卅文左右，好抵食。炸海鮮：本身唔喜歡食海鮮，無食到蝦，魚普通，但個魷魚圈一啲都唔靭，隱約記得五、六十蚊左右，都ok抵啦。慢煮牛扒：十八安士，大概係二百八十文左右。慢煮的美就係軟硬適中。佢無咩汁，係有啲鹽，有啲黑椒，塊扒煎到香香哋，正！Brownie：嗯四十文左右？味道正正常常。伯爵茶浸梨：好似五十文左右？好有趣，無違和，試下啦。順帶一提，呢度落單時俾錢。