霸嗎拉麵 (德己立街)

营业中

休息中

成日经过尖沙咀The One都会见到对面嘅霸吗拉面条队好长，呢日约咗同学晏昼返学校倾project，就早啲去到霸吗拉面嘅中环分店食咗lunch先～果然我哋冇决定错，早啲去到冇乜人，而且侍应们都冇咁忙，服务好周到！但去到12点左右，office啲人开始放lunch，客人就巴巴声咁嚟喇！而家先知道霸吗拉面 同 风云丸 系姊妹店！一入到嚟已经觉得装修同上个礼拜食嘅风云丸好似哈哈 叉烧嘅制法亦都一样，用上等豚肉慢煮超过十小时，再以明火炙烧增添脂香。好厚、好大旧、好淋、好入味！炙烧豚肉味玉拉面（$88）猪骨汤底好浓味，拉面份量好足～辛辣炙烧豚肉味玉拉面（$93）朋友嗌咗中辛，话唔错！味玉好impressive，流心效果💯鸡叉烧味玉鸡白汤拉面（$88）呢个几特别，系鸡肉叉烧～ 好入味，唔肥；鸡皮好薄，可以一齐食，烧得好香～鸡白汤比猪骨汤淡味好多，钟意食淡口啲嘅朋友不妨试下呢个～羽根烧饺子（$35）同上次风云丸嘅一样，羽根薄薄嘅一层，非常脆口😛静冈蜜瓜梳打；信州苹果梳打（$28）呢只梳打一向都钟意，试过苹果、白提子、白桃，蜜瓜都系第一次见！而家仲要做紧优惠，$25一支，点可以唔嗌呀！蜜瓜味又几好饮！