金鶴拉麵 (九龍城道) (已結業)

之前喺度都食过好多次招牌白鸡汤拉面，个汤底好浓郁creamy.今晚谂住试下盐味同酱油汤底，试下佢既原汁原味。盐味汤底都几清，但系都好够味，酱油浓d 就更加好味。每碗拉面既灵魂一定系个慢煮鸡。虽然系鸡胸，但鸡肉慢煮过，肉质好嫩滑。连块叉烧都好好食，佢系薄切得来好大块，而且食落好腍同带点油香。配料既木耳同京葱都好多，仲有两块紫菜。溏心蛋好正够软滑，面质又爽弹。另外加多份叉烧同埋鸡,每碟都有四块，满足晒我呢个食肉兽。