The Hub / The Space (已結業)

近年真系愈黎愈多工厦餐厅，当中有唔少都几有质素，无他的，租金愈黎愈贵，小店唯有放弃地舖，向楼上舖发展，甚至扩展至工厦区。呢间The Hub / The Space绝对系一间非常值得去嘅餐厅，食物又高质，价钱又够划算，最重要系老板真系好好服务，又够细心，仲要有问必答，用心介绍!普遍都系卖200几至300几蚊，仲要系有成六七道菜嘅高级晚餐，有晒头盘、前菜、沙律、餐汤、主菜、甜品，最后仲有餐饮，平时餐厅三道菜晚餐都唔止呢个价啦，简直系平、靓、正!热辣辣嘅忌廉野菌汤够晒浓郁香滑，菇嘅鲜香味仲几突出。大大份嘅沙律for二人享用，加埋个特制而又甜甜酸酸酱料，又真系几唔错!珍宝鲜带子真系又大粒又幼嫩，烧香左少少，味道鲜香得黎又不失滑嫩质感，乃高质之美食!主菜拣左298元嘅澳洲保湿猪鞍配苹果酱，除左基本嘅黑椒同盐之外，仲落左香草调味，多左份鲜简嘅味道。猪鞍嘅肉味都算香浓，而且肉质够幼嫩多汁，又够大份，食到好饱!甜品有自家制嘅苹果挞，饼底够香脆又唔会太粉，苹果酱酸甜又唔油腻，而且啲苹果肉仲系一片片架，都几好食!