影片
更多
2021-06-07
1437 浏览
次次经过walk-in都冇位，于是女朋友的起心肝book位，就睇吓佢有咩符fit咁巴闭。12:05坐低睇menu，一场嚟到不如就试个3 courses全餐。餐厅对住维港，景观唔错。垫枱纸写咗首英文诗，意思大概系勉励大家真诚待人。迷迭香餐包好松软，配一碟红色嘅香油，完全冇味，点劲多都食唔出系咩嚟。等咗半个钟，终于出头盘。西兰花忌廉汤几清甜，而三文鱼他他味道一般，落返两粒盐会好好多，配牛油果酱加辣蛋黄酱略嫌太腻。收碟之后又系漫长嘅等待。我坐个位对正厨房出菜位，由头到尾都系得一对呀姐同呀叔主理，唔怪之得出事。等到12:50觉得唔对路，向侍应反映。估唔到佢竟然同我讲”I believe you can extend your lunch.” 我即刻火都嚟，同佢讲我一点就要走，你打算仲要我等几耐？我坐低成粒钟净系食咗个餐包同头盘，你仲好意思叫我extend my lunch？就算我有时间都唔系咁同你嘥啦！佢feel到我嘅怒火，粒声唔出就咁走咗去。我望住枱面首真诚待人英文诗，不禁冷笑咗一下。5分钟后终于上主菜，辣味烤鸡有炭烧香味，但系得面𠮶浸有味，完全冇腌过，而且过熟肉身劲干劲鞋。香煎鲈鱼叫做好啲
12:05坐低睇menu，一场嚟到不如就试个3 courses全餐。餐厅对住维港，景观唔错。垫枱纸写咗首英文诗，意思大概系勉励大家真诚待人。
迷迭香餐包好松软，配一碟红色嘅香油，完全冇味，点劲多都食唔出系咩嚟。
等咗半个钟，终于出头盘。西兰花忌廉汤几清甜，而三文鱼他他味道一般，落返两粒盐会好好多，配牛油果酱加辣蛋黄酱略嫌太腻。
收碟之后又系漫长嘅等待。我坐个位对正厨房出菜位，由头到尾都系得一对呀姐同呀叔主理，唔怪之得出事。等到12:50觉得唔对路，向侍应反映。估唔到佢竟然同我讲”I believe you can extend your lunch.” 我即刻火都嚟，同佢讲我一点就要走，你打算仲要我等几耐？我坐低成粒钟净系食咗个餐包同头盘，你仲好意思叫我extend my lunch？就算我有时间都唔系咁同你嘥啦！佢feel到我嘅怒火，粒声唔出就咁走咗去。我望住枱面首真诚待人英文诗，不禁冷笑咗一下。
5分钟后终于上主菜，辣味烤鸡有炭烧香味，但系得面𠮶浸有味，完全冇腌过，而且过熟肉身劲干劲鞋。香煎鲈鱼叫做好啲，不过都系煎得太熟，配个绿色嘅酸酱味道奇怪。
最后cancel咗个甜品，因为我哋用最后嘅5分钟倒哂啲嘢食落肚。埋单盛惠$325.6，一句道歉都冇，我写紧呢篇嘢嘅时候个胃仲痛紧。
如果你系老板级别或者系超级闲人先至好嚟呢间餐厅，因为只有你哋有资格好奢侈地食两三个钟头lunch。
最后想讲呢间餐厅连set lunch都可以咁慢，好难想像晚餐会系点，可能要由6点食到10点，法国大餐都要行埋一边。
张贴