影片
更多
2013-10-21
2537 浏览
预早两日喺openrice网上 "tablemap" 订下午6点半枱，而金川呢排早一日订枱，每人送两只生蚝。到咗当日早上，金川打电话嚟confirm booking，顺便话俾我哋知冇生蚝。夜晚6点半准时到达，但冇人应酬，等咗5分钟先有人招呼我哋入座。入座后第一时间写刺身，交纸后先写炸物。为防要等好耐，写定多一张刺身，点知唔觉意交埋！一如所料，刺身等咗起码25分钟先到，炸嘢反而快啲，而过多10分钟上埋第二转刺身，跟住其他嘢唔使等好耐，总之枱面一路都有嘢食，唔快都唔紧要。吉列炸蚝，够热够脆，蚝肉唔霉有蚝味。炸芝士年糕，好油，劲热，年糕皮好黏牙，入面芝士好流但唔太漏，但要小心灼伤条脷。甘蔗虾（炸虾球），比以前差咗，缩咗水兼靭皮，唔系好得。香茅鸡翼，好明显系咖哩鸡翼加脆奖粉炸，难食，小弟整走咗表面啲脆皮先ok。蜜椒鸡翼，即系加咗蜜糖嘅香茅鸡翼，反而又劲好味㖞！！和牛清汤火锅+肥牛，好味，好香，肥牛有牛味又唔靭，ok架~泰式生虾刺身，虾身爽口但无味，靠香料辣汁撘救，少辣。火焰沙律三文鱼寿司，细细件但几好食。第一转刺身：三文鱼、甜虾，比较鲜甜。鱼、希灵鱼、醋鲭鱼，一般。第二转刺身：多咗𫠒红鱼，都
到咗当日早上，金川打电话嚟confirm booking，顺便话俾我哋知冇生蚝。
夜晚6点半准时到达，但冇人应酬，等咗5分钟先有人招呼我哋入座。
入座后第一时间写刺身，交纸后先写炸物。为防要等好耐，写定多一张刺身，点知唔觉意交埋！
一如所料，刺身等咗起码25分钟先到，炸嘢反而快啲，而过多10分钟上埋第二转刺身，跟住其他嘢唔使等好耐，总之枱面一路都有嘢食，唔快都唔紧要。
吉列炸蚝，够热够脆，蚝肉唔霉有蚝味。
炸芝士年糕，好油，劲热，年糕皮好黏牙，入面芝士好流但唔太漏，但要小心灼伤条脷。
甘蔗虾（炸虾球），比以前差咗，缩咗水兼靭皮，唔系好得。
香茅鸡翼，好明显系咖哩鸡翼加脆奖粉炸，难食，小弟整走咗表面啲脆皮先ok。
蜜椒鸡翼，即系加咗蜜糖嘅香茅鸡翼，反而又劲好味㖞！！
和牛清汤火锅+肥牛，好味，好香，肥牛有牛味又唔靭，ok架~
泰式生虾刺身，虾身爽口但无味，靠香料辣汁撘救，少辣。
火焰沙律三文鱼寿司，细细件但几好食。
第一转刺身：
三文鱼、甜虾，比较鲜甜。鱼、希灵鱼、醋鲭鱼，一般。
第二转刺身：
多咗𫠒红鱼，都鲜甜。但希灵鱼唔知点解越食越甜，甜到我作呕。醋鲭鱼就好似坏咗咁有怪味，好难食所以剩低晒。
饮品有冻、热杯装柚子蜜，好甜。罐装有蓝冰啤酒、海珠啤酒、可口可乐、忌帘、+C、芬达提子汽水。
甜品要出去攞，款式好多，质素好高，绝对要留肚食！最推介系北海道牛乳布甸，而其他都值得品尝！佢做得细细件，可以俾各位全部都食啲，试啱先再攞。而呢度系冇雪糕嘅！
由入座到食饱都系个半钟多啲，未够钟都已经可以捧住个肚走，只要早啲递多啲单就ok~~服务嚟讲一般，因为交流只在于入座、递单、追单（好少漏单）、埋单。但同佢哋讲唔该系会客气回应嘅~
题外话/补充资料：
网上订位好方便！
(以上食记乃用户个人意见 , 并不代表OpenRice之观点。)
张贴
