影片
更多
2015-07-21
2381 浏览
对上一次嚟，喺旧年10月嘅事，庆祝老婆生日嘅晏昼饭，𠮶次试咗3款菜式，包括：香芒大虾沙律、意大利脆烟肉煎蛋拌黑菌烤面包及烩意大利肉丸配米形意粉，今次再嚟食晏，已无咗米形意粉 ，反而多咗一个早午餐菜牌。因为上次嘅食评都介绍过个环境，所以，今次就唔多讲，摆几张相俾大家睇睇就一目了然，只喺门口架真车由灰色变咗黄色，更抢眼。我哋今次被安排坐晌入面嘅卡位，感觉私隐度高啲，而且，更加舒服啲 。对照返上次，依家个餐牌精致咗好多㖞，唔喺单单得个菜名，部份菜式更有参考图片，令到啲菜式份外吸引。类别依次序有头盘、餐汤、沙律、意式烤面包及三文治、精选意粉 / 烩饭、精选主菜、手制薄饼、儿童餐、甜品及饮品。至于个早午餐牌，原以为喺套餐，原来都喺散叫菜式！依家啲人好钟意就投诉，郁吓就嘈，依样投诉，𠮶样又投诉，搞到好戾气，产生好多负能量。我老婆都有此惯性，不过唔喺「投诉」，而喺「投素」，晌餐牌内有唔少标明喺素食菜式，佢偏向茹素，所以，是日午餐一啲肉都无。 无花果乳清干酪 $118 曾经晌以前铜锣湾店试过依道菜式，印象特别，加上佢都好钟意食新鲜无花果。无花果切片，无以前原粒开半咁大啖大啖食咁爽，不过，食
因为上次嘅食评都介绍过个环境，所以，今次就唔多讲，摆几张相俾大家睇睇就一目了然，只喺门口架真车由灰色变咗黄色，更抢眼。我哋今次被安排坐晌入面嘅卡位，感觉私隐度高啲，而且，更加舒服啲 。
对照返上次，依家个餐牌精致咗好多㖞，唔喺单单得个菜名，部份菜式更有参考图片，令到啲菜式份外吸引。类别依次序有头盘、餐汤、沙律、意式烤面包及三文治、精选意粉 / 烩饭、精选主菜、手制薄饼、儿童餐、甜品及饮品。
至于个早午餐牌，原以为喺套餐，原来都喺散叫菜式！依家啲人好钟意就投诉，郁吓就嘈，依样投诉，𠮶样又投诉，搞到好戾气，产生好多负能量。我老婆都有此惯性，不过唔喺「投诉」，而喺「投素」，晌餐牌内有唔少标明喺素食菜式，佢偏向茹素，所以，是日午餐一啲肉都无。
无花果乳清干酪 $118 曾经晌以前铜锣湾店试过依道菜式，印象特别，加上佢都好钟意食新鲜无花果。无花果切片，无以前原粒开半咁大啖大啖食咁爽，不过，食落发觉啲无花果做咗焦糖化，一咬有层脆糖，几特别；乳清芝士（有译作意大利农村软芝士）应属于未完全熟成嘅芝士，口感上，跟平时晌超市买到嘅茅屋芝士好相似，但香得嚟唔会太霸道，有啲沙沙嚡嚡粉粒嘅口感，喺一道宜淡宜浓嘅沙律 。此外，除有原粒榛子，仲加咗榛子碎，再配以蜜糖、葡萄黑醋、黑松露油作酱汁调和，沙律菜食落新鲜清爽，味道又富层次 。
无花果乳清干酪
$118
40 浏览
0 赞好
0 留言
野菌黑松露云吞配蕃茄 / 忌廉汁 $108 上次试过意式烤面包，今次就拣客意式云吞试试，因为佢喺全素菜。都忘记数一数，一客应该大概7-8件，只只都包得几大只，不过，馅料唔好期望好多，因为意式云吞一般都喺扁身啲。然而，云吞皮厚薄适中，内馅有啲蘑菇、菠菜、黑松露……等等，我哋拣蕃茄汁底，蕃茄味浓郁鲜活 。
野菌黑松露云吞配蕃茄汁
$108
26 浏览
0 赞好
0 留言
栗子菠菜南瓜意大利烩饭 $118 无咗米形意粉，就试吓早午餐牌内嘅栗子菠菜南瓜意大利烩饭，因为都喺素菜菜式。其实个饭讲出嚟就好简单，以南瓜汁煮意大利米，加入菠菜碎、栗子粒同巴马臣芝士，就大功告成，老婆甚欣赏佢个烩饭嘅口感，有烟韧嘅口感，又唔会有生米嘅感觉，每啖饭都充满南瓜甜味 ；只喺略嫌栗子细粒，但食得出糖渍过，如果加入番啲栗子碎效果又如何。
栗子菠菜南瓜意大利烩饭
$118
35 浏览
0 赞好
0 留言
榛子鲜奶咖啡 $43 无独有偶，原来上次又喺饮榛子鲜奶咖啡，唯一唔同上次平啲，只卖$40，哈哈。咖啡采用意大利illy咖啡豆，差极有个谱，至于杯鲜奶咖啡，榛子香味唔会太抢，奶泡撞得均匀，无需落糖，每啖都醇香柔滑 。贪得意，饮到尾，个拉花都可以保留返晌度。
榛子鲜奶咖啡
$43
38 浏览
0 赞好
0 留言
甘菊茶 $36 老婆一向都喜欢花茶，尤其唔太浓，又清香嘅，就最啱佢，所以，拣咗一杯甘菊茶，别致嘅茶具，清香嘅花茶，淡雅幽香，又有纾压宁神之效。
甘菊茶
$36
20 浏览
0 赞好
0 留言
法式歌剧院蛋糕 $68 以前晌工联会学整蛋糕，法式歌剧院蛋糕喺认为颇难嘅一款，蛋糕底又要加杏仁粉，又要做咖啡牛油忌廉，又要加朱古力软心酱，一层叠一层叠成六、七层，Fiat Caffe版嘅法式歌剧院蛋糕明显简化咗，层次虽未及正宗嘅咁多，但味道仍然好细致，咖啡与杏仁味配搭和谐 。
法式歌剧院蛋糕
$68
44 浏览
0 赞好
0 留言
虽然唔喺素食店，但依家好多餐厅都有提供素食嘅菜式，难得今日挑嘅菜式既好食，又喺素食，所以，老婆佢非常满意，绝无投「素」 。
张贴
