聖安娜餅屋

营业中

休息中

好难得有两星期大假，不过，公司嘢就要靠啲同事顶晒啦，所以，就打算晌放假前一日买啲下午茶慰劳吓同事，咁啱见圣安娜有只「全新推介」嘅「香浓石板街卷」和「宇治金时卷」，睇落几特别，再望望名牌中嘅简单描述，香浓石板街卷：「香浓朱古力蛋糕内，浓郁朱古力忌廉夹著软绵棉花糖及迷你麦提莎」，宇治金时卷：「绵绵红豆及香滑忌廉配香浓抹茶味道」，觉得前者较有趣，就买咗前者作为是日下午茶。香浓石板街卷 $39咪睇佢件头细细，原来都几坠手，我哋成公司得4丁友，当然叫店员预先帮手将卷蛋一开四，故此大家都分得几大件架。朱古力海棉蛋糕部份做得几软绵，质感松软，朱古力味道挺浓，而夹晌中间嘅朱古力忌廉，打得很幼滑，朱古力味同样突出，又唔喺太甜，而忌廉内确实食到唔少迷你棉花糖及迷你麦提莎，令整体再多添一份有软又有脆嘅口感，若能够做到棉花糖及麦提莎都平均分布，咁就更完美喇。自家冲杯咖啡，叹著件石板街卷，基本上工作嘅事情已抛诸脑后，想嘅都喺旅行之事吧！