鴻星中菜 (格蘭中心) (已結業)

早几日喺呢区揾地方食晚饭, 谂黎谂去都冇咩头绪, 又唔知食中餐好定西餐好, 日本菜好泰国菜好? 最后谂左一阵决定黎呢间食店, 皆因佢出名得黎师傅又从来都未试过呀!入到去, 都几静; 伙计安排入座, 一坐底师傅即刻睇下有咩好食啦, 好似都几多选择咁㖞, 两口子商量左一阵, 既然黎到, 决定食好d! 最后柯打左一人一盅鸡丝翅, 一人一只蟹粉小笼包, 烧腩仔, 咕噜士多啤梨黑豚肉同埋腐乳唐生菜!等左一阵率先登场嘅系鸡丝翅, 先讲下个汤底, 非常清甜, 一d味精都冇, 而翅嘅份量好多, 加上煲得好腍, 正呀, 反而就系鸡丝比较干同鞋, 但整体真系唔错; 蟹粉小笼包都几大只, 个皮唔算特别薄, 但又一d都唔韧, 而馅内好多汤, 加上食到蟹粉, 唔错; 而烧腩仔就真系非常之差, 皮唔脆肉唔嫩, 仲有d梅梅地, 唔得; 咕噜士多啤梨黑豚肉简单d黎讲即系咕噜肉, 不过系猪肉靓d, 加上炸粉唔多, 入口唔会成口油, 而个咕噜汁又煮得酸酸甜甜, 加上有少少士多啤梨, 真系几好味; 而腐乳唐生菜又系煮得啱啱好, 味道唔会过浓过咸, 一流!总括黎讲食物质素都几得, 环境都几舒服, 加上人唔多, 清清静静, 而