如粵滬中菜廳 (已結業)

恭喜新婚之喜呀！今晚依餐好赶，因为同镖赛撞期，只可以食一半就要飞的士返大埔出战，队友公司就系正楼下商场，可以一齐搭的士呢﹗虽然唔知依只系咩红酒，不太酸涩入得口。刚才饮左几啖红酒想再添饮，点知侍应姐姐话每枱只有一支红酒供应。唔系挂？一支都唔够酙 12 杯㖞，但姐姐您太坦白喇，都唔应该同宾客讲麻，哈哈﹗那么您地有无 Whisky 呢？都无！咁算啦，开壸铁观音比我算喇。鸿运乳猪全体，乳猪皮十分香脆，不太肥不油腻，有肉食而泛著淡淡咸香，满意满意。佳偶天成，只系想攞个好意头啫。原来系蜜糖豆莲藕片炒虾仁。依味菜清清地简简单单，意料之外鲜甜清爽，而且藕片爽脆清甜，蜜糖豆爽甜多汁，虾仁鲜嫩，好味架㖞。富贵花姿球，即系炸鲜鱿鱼丸。整体还可以，外层炸得松脆香口，里面鲜味非常，质感微弹。百花酿蟹拑就食得多，依款都几有创意。金瑶扒翡翠，西兰花鲜嫩卜卜脆又无过腍，菜甜味出众又多水，挂上浓郁瑶柱芡汁，浓而不浊，沾上豆瓣酱更添惹味。红烧竹笙鸡丝生翅，个高汤底好香浓㖞，可以连浙醋都唔洗落，好味﹗今晚个 rundown 都系依惯例传统地迟晒，侍应姐姐手脚又比较慢。本来可以食多两味送架，依家要一啖倒晒碗翅落口就要急急冲落