新聚會 (已結業)

唔知系唔系因为经济好转，有一陈年项目终于收到钱，虽然唔系收齐但有份参与的同事终于有粮出。既为庆祝亦为聚旧，所以上星期安排在这里食番餐。晚餐以自助餐形式进行，地点这里的大厅，有舒服疏化椅亦可以唱K，想打牌的亦可以安排，但今日洋人多，时间又唔系多，所以只系倾下计唱下歌就食野。我们廿多人，私人会所的自助餐食物的种类当然不能与酒店的相比，但都足够同几好食。沙律吧选择不多，只系菠萝、粟米、番茄同生菜等，沙律酱都系得两三款，但都算新鲜，不俗；冷盘是豉油鸡同卤水鸭胸，两种都入味亦几好食，呢两味野都唔知可以食到几时，一于食得就食；汤是一中一西，但就以个粉葛鱼汤受欢迎过罗宋汤好多，连鬼佬都饮老火汤，真系比好多本地姜识食；热盘有椒盐虾、咖哩鸭、清汤腩、粟米鱼柳、陈皮骨同菜等，菜色份量足够，亦够热，其中最喜欢吃清汤腩同陈皮骨，其他菜色就以椒盐虾较受欢迎；亦有肉酱意粉同饭，实食得饱；甜品是鲜果拼盘同芒果布甸，芒果布甸都算味道不错。每位200蚊，酒水另计。包厅要廿人起，呢个价钱都算抵食。