三川居酒屋 (已結業)

为方便庆祝朋友生日,专登拣番喺铜锣湾区嘅食肆,食得太高级我又肉痛,食得太平我又觉得太寒酸,然后我同事就推介我去呢间三川居酒屋食日本嘢,啱㖞!就番朋友嘅收工时间,仲可以撞正佢哋嘅宵夜时段优惠添!!!九点之后二人前套餐嘅荀价只需要$398蚊就可以自选六式项目,包括：沙律+锅物+烧物+主食+刺身同埋甜品。连我朋友睇完餐牌都话流哂口水呢......A.沙律：生日㖞...梗系要食豪小小,加咗$18蚊就可以转和风鱼生沙律,沙律里面会包括有三文鱼+吞拿鱼同埋八爪鱼,酱汁酸酸地,用嚟做开胃前菜的确一流。B.锅物：我哋都钟意食辣嘢,所以叫咗个泡菜豚肉锅,喺日式嘅餐厅食到韩式嘅煮法都几特别,泡菜辣汤我最钟意,够哂惹味,猪肉片切得够薄,入口够腍,汤里面仲有好多娃娃菜,吸收哂啲汤味更加之正,如果有碗饭嘅话可能我哋连啲汤都饮埋C.烧物：盐烧三文鱼头系我朋友嘅至爱,碟嘢嚟到嘅时候佢仲话：「点解可实物可以同幅图片系一样㗎(?!)」货真价实,冇花冇假呀呢次~个鱼头用盐烧,啱啱好冇㶶到,如果怕太咸嘅话可以自己唧啲柠檬汁上去中和一吓。D.主食：蒲烧原条鳗鱼饭,估唔到系系原条鳗鱼上,超级巨型我拍只手埋去有我成只手臂咁长,而