佛教慈心素食 (已結業)

食素庆祝生日！其实生日都系个藉口！最重要系聚下！之前嚟慈心素食食过晚餐！觉得好岩食！好中意呢类小店！家庭式小店，感觉好好！今日嚟食午餐！12点到。第一枱客人！野食大概有十多款热食。汤。粥。面。饭都有两款！仲有啲饺子，萝卜糕，红菜头糕。酸斋。松糕！仲有糖水架！粉葛苹果汤好好饮👍🏻好清甜好足料有好多豆，栗子，腰果，又有得食又有得饮！饮左两碗呀！有味饭都好好食有豆，菇，姜！加埋有口感有好味！粥又系劲多豆，合桃，百合！好岩食！不过如果系甜食，我地仲中意😆上次嚟太饱食唔到松糕！今次要试试。食左黑色，望落似芝麻。不过无咩味！一般！但朱古力味就几好食！食到饱嘅时候见到新鲜拎出嚟嘅玫瑰花样嘅饺！但太饱食唔落！希望下次嚟有机会试下！其实素食都可以好好食！老板娘见我地系庆祝生日。特登拎左啲松糕比我地！好窝心😊见好多客人同老板娘有倾有讲！感觉真系好屋企feel...今次我都同老板娘倾左阵。我地得闲一定再嚟！