影片
更多
2024-10-29
15782 浏览
男朋友无意中讲左一句「好耐无食铁板烧」🤔，所以决定食铁板烧同佢庆生😏。虽然萤火有好多好评，但大家都知道好多打手🙉，所以我除左睇哂所有嘅食评同相外、连google map、FB、YT相关嘅资料都睇哂。最终得出可以一试呢个结论🤓。平日星期二中午12点零嚟到，当时只有几位食客。我地被安排坐铁板Bar枱，由于客人唔多，所以师傅专心只为我地两个烹煮😃。点餐后，职员问我地要唔要90分钟任饮指定清酒放题，有酒助兴，又点可以拒绝呢?!!😏 我无问系边款清酒，不过饮落好甜好易入口😋，我个人几中意，不过饮一支仔已经好头晕😂 留番比男友一人享用。商务精选午餐$540/位前菜：拖罗刺身+胡麻酱沙律菜前者普通唔够鲜甜，后者酱落太多，不过菜好新鲜。打头阵嘅热食系大大只、生猛南非鲍鱼!! 😃师傅介绍先食原味，之后沾旁边嘅黑松露酱增添风味。鲍鱼爽弹、鲜甜，男友全餐最中意系佢。清酒煮蚬，虽然每人只有三只，但每只都好饱满、鲜甜😋。大蚬煮至开壳就被师傅夹起，所以食落好软滑。清酒煮后只留下甜味，再加少许青葱、海藻，令酒后头晕嘅我即时清醒唔少😏。鹅肝多士非常肥美鹅肝外焦内软滑配薄脆多士系经典嘅配搭，份量虽然唔大，但足以令人油腻
平日星期二中午12点零嚟到，当时只有几位食客。我地被安排坐铁板Bar枱，由于客人唔多，所以师傅专心只为我地两个烹煮😃。
点餐后，职员问我地要唔要90分钟任饮指定清酒放题，有酒助兴，又点可以拒绝呢?!!😏
我无问系边款清酒，不过饮落好甜好易入口😋，我个人几中意，不过饮一支仔已经好头晕😂 留番比男友一人享用。
商务精选午餐$540/位
前菜：拖罗刺身+胡麻酱沙律菜
前者普通唔够鲜甜，后者酱落太多，不过菜好新鲜。
打头阵嘅热食系大大只、生猛南非鲍鱼!! 😃
师傅介绍先食原味，之后沾旁边嘅黑松露酱增添风味。
鲍鱼爽弹、鲜甜，男友全餐最中意系佢。
清酒煮蚬，虽然每人只有三只，但每只都好饱满、鲜甜😋。
大蚬煮至开壳就被师傅夹起，所以食落好软滑。清酒煮后只留下甜味，再加少许青葱、海藻，令酒后头晕嘅我即时清醒唔少😏。
鹅肝多士非常肥美
鹅肝外焦内软滑配薄脆多士系经典嘅配搭，份量虽然唔大，但足以令人油腻感爆灯🙈，旁边偏酸嘅柚子啫喱成为解腻神器!!
美国厚切&薄切牛肉
两款都唔系油花好靓嘅牛肉，所以无乜牛味。
厚牛肉比想像中软淋多汁，可以配脆蒜片或者芥未酱一齐食。
薄切反而相比之下比较有惊喜😯，虽然无牛味可现，但煎左好耐却完全唔韧，加上卷左大量洋葱、蒜蓉、青葱增添香气，点埋芥未酱，几好味㖞!!🤤
樱花虾蛋炒饭配荷包蛋、味噌汤、渍物
㶶边蛋配橙黄色嘅蛋黄，未食都已经觉得吸引!!🤤
夹起煎蛋会闻到樱花虾香，虽然食落无闻落咁浓味，不过整体唔错。
套餐嘅尾星可以拣咖啡或雪糕(当日系红豆味)
需要每日一啡嘅我，拣左咖啡，而男友就拣左雪糕。
另外经Openrice 订枱庆生会送蛋糕，为今餐画上完美句号👏。
虽然南非鲍鱼同食评有少许出入，但整体食物味道、职员服务态度、师傅嘅烹调手法及介绍、环境及座位舒适程度都令我地留下良好嘅印象，所以将餐厅列入「可以再次光顾」嘅名单中。
张贴
