道頓堀御好燒專門店 (荃灣廣場) (已結業)

呢晚订枱同朋友庆祝生日，因为人数众多，被安排到房间就座，私隐度高，唔怕骚扰到其他食客。大家可以DIY制作自己专属既御好烧、广岛烧同文字烧。其实制法都系大同小异，将基本材料搅匀，直接倒落铁板上面煎，每5分钟反一反以免煎㶶，15分钟后淋上日式酱汁、蛋黄酱，再撒埋海苔粉、鲣鱼粉就大功告成。御好烧酱汁香口，外脆内软，啖啖材料好丰富！不过，记得要落足眼力去睇火，一不留神就好容易煎㶶，真系少啲功夫都唔得！但假如对自己嘅手势同厨艺无咩信心，店员都好乐意帮忙。全晚都忙于制作烧饼，其实所有烧饼都系同一只味，不过味道系其次，同朋友一班人笑下﹑食下，开开心心又一晚！