Harbourview Grill (北角匯二期)

营业中

休息中

星期六晚同老公到北角汇Harbourview Grill食西餐，当晚有唔少枱客人庆祝生日，眼见侍应会一齐唱生日歌，好有气氛。招牌忌廉青口青口浸晒系满满既忌廉汁到，忌廉汁唔系好稠个种，反而似汤，可以同青口一齐食。脆炸焗薯皮有三款酱: 牛油果酱、莎莎酱、酸忌廉，薯皮够脆，而且有保留到薯仔，酱系最面，一齐食估唔到几夹，有惊喜，最钟意牛油果酱。是日特色烤鱼今日系Halibut 大比目鱼，以印度既烹调方式黎整，比目鱼好软滑，一切就开，但小心有鱼骨。澳洲烤羊排叫左五成熟，羊排无膻味，肉质软腍，肉既部分占多数，唔会得好大旧肥膏。朱古力心太软云尼拿雪糕超好味，好幼滑香甜，心太软切开啲朱古力浆就好似瀑布甘流出黎，非常出色既甜品。