鉄人旨花

营业中

休息中

/前菜开始就已经非常吸引，有花雕酒鲍鱼、拖罗及火炙完嘅新鲜白子，开胃又醒神。.之后嘅每一道菜都各有特色，难以尽录。我就介绍几道我印象最深刻的吧。象拔蚌配白粟米汁，呢道睇落好似甜品，食落又的确清新鲜甜。酱汁系用宫城粟米调制而成，配上白象拔蚌一流。.其后嘅青森黑鲍、右口鱼、北海道虾、大拖罗及喜知次，选用嘅都系最新鲜嘅高级食材。烹调方式都系尽量带出食材本身嘅鲜味及平衡不同嘅口感。师傅功力深厚，每道菜式都令人赞不绝口。.今餐海胆嘅菜式更系令人惊喜无限，无论系拿破仑海胆配紫菜天妇罗或越南海胆配松叶蟹肉及宫城白粟米都回味无穷，恨不得再来一份。除此之外，罕有嘅野生海胆「地胆」，以手背微温完品尝，鲜甜嘅味难以忘怀。