COBALT

营业中

休息中

同朋友庆生唔知点解总系会拣西餐，拣Cobalt嘅原因系因为近我放工，奥运站行过嚟7-8分钟。餐厅装潢简约时尚，一排酒柜既实用又美观，食客见到都想饮两杯，高脚餐枱够大唔迫，倾偈好适合，作为庆生晚餐都唔失礼。餐牌上好多嘢都想食，结果叫咗五样嘢，以为小食会好细份，上到枱先知全部都好有分量，见到成枱嘢食好满足，最后太饱放弃咗食心太软。炸甜蕃薯条配蓝芝士炸薯条份量十足，香脆得嚟又有浓浓甜蕃薯嘅味道，加上臭臭嘅蓝芝士令朋友爱不释手，呢个组合新奇得嚟又好食炸紫洋葱圈洋葱圈都系份量十足，粉浆好香脆，我觉得粉浆嘅味道同平时唔同，有啲似咸水角嘅皮，美中不足嘅系有几条洋葱圈嘅粉浆痴埋咗一齐，朋友好介意呢点牛油果扁意粉+辣虾因为朋友最近唔食得海鲜，餐牌上得返呢个意粉可以选择，牛油果煮意粉对我嚟讲好新奇，本身以为味道会怪，食落又唔错㖞，牛油果嘅质地同忌廉汁好夹，忌廉汁好挂面，啖啖意粉面够味，意粉口感够烟靱，好食。+38蚊有两大只辣虾，朋友要戒虾所以要求另上，我可以自私食，辣虾但唔辣，有鲜甜虾味，肉质弹牙。烤法式羊架羊架有两大件，羊肉唔膻好啱我，但朋友略嫌唔够膻，七成熟啱啱好，伴碟嘅薯蓉同蔬菜整体都唔错。