Lo Spazio (已結業)

上周契妹寿辰，其兄长特意买下「Lo Spazio」o既团购优惠与几位好友食饭庆祝。餐店门外摆有咭片及午、晚市o既餐牌供食客参考。店内全为高櫈散座。一角为水吧。另外一角则为开放式厨房。吧顶可见几只猫头鹰摆设。桌上却摆出可爱o既财神公仔，似乎系想中西合璧。XO仔惯性早到，服务生见状亦即时送上餐牌、温水及面包，认真体贴。寿星女一到步，二人就先叫咗枝汽酒庆祝一番。其后点𩠌亦由女主角全权负责。粒粒蕃茄配脆香面包（$68）：蕃茄头盘香脆湿润，轻巧醒胃。烤凯撒沙律（$118）：沙律极之爽脆香浓，个人只系略嫌捞入得太多鱼。白酒蒜蓉牛油汁煮青口（$158）：青口肥润甘醇甜美，极啱细佬口味！香烤排排坐八爪鱼脚（$98）：依味系契妹个哥哥坚持要试o既一味，好明显系因为个名够搞鬼，不过细佬唔多好八爪鱼，所以冇试。茄汁配诚意手制肉丸义大利肠（$88）：手制肉丸松软可口，个茄汁又唔会过酸，真系相当唔错。反而个义大利肠就唔系话咁有特色啰。香煎带子（$208）：带子外脆内软嫩，新鲜清甜，实在爆！黑松露野菌阔意面（$208）：阔条意粉烟烟韧韧，松露野菌芬芳浓郁，忌廉汁份量恰到好处，食落一啲都唔溜，简单美味。伏特加通心粉