Y Show Tasty (已結業)

呢间尖沙咀嘅Y Show Tasty一直都系唔少人bookmark要去嘅💛店，今次终于有机会嚟试下，除咗招牌香烤乳猪之外，呢度有唔少人都会叫个火焰雪山🌋同朋友庆祝生日，睇得又食得，所以就算普通weekday都好旺场。呢度餐牌菜式选择就比较狭窄，如果多元化啲就更好。带子蟹肉浓汤呢度其中一个好受欢迎嘅菜式，2粒大大粒鲜甜厚肉嘅带子加上蟹肉浓汤，汤头味道鲜甜👌🏻招牌香烤乳猪每枱必叫嘅招牌菜式，乳猪超大件，几个人share都ok，乳猪皮烤到脆卜卜，切落去嘅时候声音好吸引😻😻除咗皮脆，入面嘅肉都几嫩滑唔鞋，配埋有特色嘅蜜糖汁或酸汁食可以解腻😋红酒烩羊膝大大件羊膝，煮到肉质好腍滑又唔柴，虽然无乳猪咁有记忆点，但味道甜甜地都唔错😗香蒜榄油虾肉意大利面呢个就相对普通，意粉偏向港式做法，冇乜榄油香味。龙虾蟹肉长通粉呢日无晒长通粉转做阔条面，面条质感唔错不过可以再硬身啲，龙虾有唔少肉几新鲜，酱汁带淡淡龙虾味，可以再浓郁杰身啲。脆炸鸡翼好香口外脆内juicy嘅鸡翼，不过调味比较淡😅黑松露薯条薯条就啱晒一大班人share，炸得好香脆。火焰雪山呢晚好多人都有叫嘅火焰雪山，每次餐厅调暗灯光嘅时候就知有火焰雪山要出