花月庭 (已結業)

好耐冇食自助餐，刚巧朋友生日，三五知己齐齐到帝京酒店为佢庆祝！虽然人多，食物选择还是相当多嘅！冰镇海鲜区有生蚝、蓝青口、墨鱼仔、龙虾钳、松叶蟹脚等等...大部分新鲜，生蚝算肥美。热荤区猪、牛、羊、鸡、菜唔少得，仲有片皮鸭。不过每次只有两小片，而且冇得拣。自助餐仲有日式美食、沙律、 韩式烧烤、泰式等...多种美食最特别系，当钟声响起时，就好多人涌出去排队，除了睇大厨师表演外，仲可以一尝限时美食。甜品方面，果冻、迷你蛋糕、葡挞、梳乎厘、雪糕、红豆沙、豆腐花、生果...， 款式多不胜数。总括餐厅自助餐款式多，价钱算合理，环境不错，可以一试的。