品坊 (已結業)

因为有2位家人生日，谂唔到咩菜式又要长用膳时间，所以就锁定左食自助餐俾我地揾到Novotel 做紧越式主题，重有即开生蚝，都系约三百蚊一个人，即刻去订枱平日buffet用膳时间系长d既，我地拣左星期五晚。屋企人一早已到，而我要迟1个钟先去到。 食客比想像中多，但系除左拎生蚝之外，都唔洗点排队攞野食既当晚重有好多越式食品例如米纸卷供应，现场有即煮生牛肉河、即整猪肉包等。可惜米纸浸水时间过长，以致粉皮又厚又lum。最期待既当然系即开生蚝，系苏格兰蚝。 每人每次只限拎2只，厨师开到冇停手。 开完之后，会浸冰水帮你扫一扫以防壳碎。生蚝好鲜甜，我自己都食左半打以上。刺身系一盘盘上既，有三文鱼，少量吞拿鱼、八爪鱼、希灵鱼、螺片，三文鱼都ok肥美，八爪鱼好快无，无机会试。冰冻海鲜就有蚬，青口，虾，小龙虾，长脚蟹。虾中虾size，味道正常。小龙虾望落几污糟，无试。另一buffet必食长脚蟹几失望，冇海水味（甚至少少“宿”味），蟹肉都比较梅。雪糕系Haagen-daz, 要自己装，重可以加d topping 上去，都有6款口味俾你拣。