蟹慶 (已結業)

靓女舞友七月寿辰，限聚令一放宽XO仔就好有心地请佢食佢最爱嘅蟹蟹，地点由寿星妹拣咗去双方都咁就脚嘅「蟹庆」。置身于地牢嘅餐店面积宽广，餐桌与餐桌间嘅距离足以腾出两条通道，满座都唔觉迫。不过最够私人空间就系围绕著墙边嘅独立式卡位，大家订座时记得讲明想坐卡位呀！店子四周摆放出可爱嘅蟹蟹公仔及摆设，简单贴题得黎直令场内气氛更为轻松。由于饭前已经饮咗几轮欢乐汽酒，再沟啤酒或日本清酒会好危险，所以就点咗可享买一送一优惠嘅特饮。受到酒精影响下所拍嘅相片焦点明显同平时唔同，两口子所点嘅「青森县苹果汁」（$58/两杯）清凉爽甜，属消暑佳品，最趣致就系有只小龟帮忙搅拌。两页过胶餐牌附带有彩图，简单易明。其中一边列出晚市定食套餐。另一边则为寿司及卷物项目。蟹御膳（$258）：晚餐含蟹肉蒸蛋、天妇罗蟹棒、乌冬、渍物、面豉汤、忌廉蟹肉薯饼、松叶蟹甲罗、蟹膏豆腐，十分丰富；如果可以加多项甜品就更完美。菜式整份以托盘呈上。蟹肉蒸蛋嘅蛋蛋质感软滑，内含芳香嘅靓菇，顶面以鲜嫩嘅蟹肉点缀，清甜暖胃。热乌冬看似细细碗，但份量其实都唔少，面条烟韧有弹性，师傅仲好有心思地将块红萝卜片雕成蟹形，卖相当堂生色不少。炸物共有两款，