有米鍋粥底海鮮火鍋 (已結業)

生日寿星想食粥底边炉，本身想订另一间，个间d 时段唔啱，1系太早6点，1系就太夜8半，见到呢间食评几好，一于试下，仲可以用 openrice 订枱，够晒方便。我地自选咗牛肉片，豚肉片，手打虾丸，花胶仔同鸡肉。 用计时器食晒d 海鲜再慢慢食自选配料，d 海鲜好新鲜，食到 lam lam 脷。份量都好多，食到尾再放南瓜同芋泥蓉落去煲，另外再加碟油炸鬼，真系饱到棒住个肚走。P.S 铺头有d 细，如果多人要坐迫少少。 同埋唔收切饼费，可以坐底同寿星切埋蛋糕影下相先走。美中不足系坐咗系风口位，成晚吹住个头。