勝八居酒屋 (已結業)

靓靓舞伴寿辰，周五晚舞会前XO仔就孖佢另外位靓仔爱将一齐请食饭。深知舞后爱食日本料理，不必费神，地点小肥自然就拣去自己相熟o既「胜八居酒屋」！话明系庆生，当然系唔少得靓酒啦，迷你兵兵见状亦不禁尖叫起黎：「Kampai！Kampai！」华老板见大家咁兴奋，三口子点食物前仲先送赠清新爽脆o既沙律，认真客气。松露油深海池鱼薄切（$158）：薄薄o既深海池鱼油润软韧，师傅简单以松露油调味，芳香得黎又不失鱼肉本身o既鲜甜，寿星女边食边赞有惊喜，掂呀！日本生蚝（$58/只）：肥厚o既生蚝润滑无比，入口更觉鲜香甜美，简直系冇得弹。自选二人前刺身拼盘（$792）：三人因饭后已计划好去跳舞，舞前亦不想过份进食，故刺身拼盘最终都系选择共享二人前份量。老板深知细佬口味，拼盘中五款鱼材，即眼仁奈、芝麻鲭、金目鲷、带子及拖罗，均由其代劳精挑。刺身高质鲜美，口感及味道都各有特色，眼见舞友都食到咪哂眼、点哂头，即系好满意啦！烧太刀鱼（$98）：盐烧太刀鱼幼嫩鲜浓，大家记紧要衬热食方才最美味。盐烧三文鱼皮（$48）：三文鱼皮香口脆薄，兼惹味非常，送酒超！炸鸡软骨（$58）：炸鸡软骨干巧得黎卜卜脆，最啱细佬口味。虾天妇