上海佬蟹莊 (已結業)

琴日同同事庆生，拣咗杜老志道果间上海佬，同事话lunch时唔算太多人，坐得舒服。去到发现佢地推紧个$80 lunch，有前菜同饭面饮品，都几抵，所以叫咗几个set再加单点。最惊喜系个「九小碟」，出嚟果时以为系日本菜，好精致。九小碟包括马兰头、炸豆腐、海蜇头、四喜烤麸、素鹅、拍青瓜、黑木耳、镇江肴肉同麻辣猪耳。我觉得最出色系个猪耳，唔算辣，好惹味好有烟烟韧韧口感，食成碟都唔觉好腻；海蜇头都唔错，爽脆同有好香麻油味；四喜烤麸果啲面筋好入味，酸酸甜甜，但又唔会浸到林晒，有咬口，直得一赞！另外叫咗太极小笼包，一开原来系黑松露小笼包同灌汤小笼包，小笼包皮薄，而且有淡淡地黑松露味，唔会抢左肉味。不过夹果时真系要小心，由于佢都几多汤，大力夹个皮好会穿，要温柔咁夹先得呀！！而排骨菜饭、葱爆牛肉饭味道都好好味，个菜饭好热又超大碗，我哋几个女仔share都够，食到好饱！！