Y Show Tasty (已結業)

尖沙咀既Y So Tasty环境好靓，昏暗既灯光好有情调，岩晒情侣黎食饭庆祝！今日我同男朋友就先一人叫佐一个汤，北海道带子蟹肉龙虾浓汤🫕黑松露野菌忌廉汤，两个汤都好足料好浓味，超级creamy。橙色既龙虾有一粒粒龙虾肉，加埋鲜甜既带子同埋蟹肉，好好味！黑松露汤就好香黑松露味同埋有好多菇粒，好有咬口，两个都好好饮！之后我地叫佐香煎嫩滑比目鱼配柠檬刁草忌廉汁🐟比目鱼好肥美，煎香既比目鱼鱼油渗晒落鱼肉，鱼肉肉质柔软，酱汁就令到比目鱼有更加清新嘅口感同埋味道，好好食！最后就系虎尾虾蟹肉酿椎茸菇，虎虾菇，椎茸味道好香，底下有茄酱伴碟，捞埋一齐食好夹，上面嘅蟹肉同虾忌廉一齐焗就好香，食完仲想再食呀😆