影片
更多
2023-04-04
6467 浏览
💁♀️💁♂️ 31/3/2023(Fri), Dinner🍽又到为食妙妙既生日，每年A先生都花尽心思去揾餐厅🍴同为食妙妙食饭庆祝，希望可以开开心心咁食返餐好既，就好似我地既主题咁“有得食就会好开心”。今晚我地拣咗尖沙咀既Morton’s，就系睇中佢环境气氛适合庆生🎉，美式扒房既服务唔会太拘谨，轻轻松松咁食餐生日饭。而今晚我地order咗：🔆 Special Occasion Set Menu （$2088）选择呢个套餐会包括餐枱既布置，menu上会印上寿星既名字，仲有侍应帮你影相之后会用卡套裱起张相，再有全体职员喺卡套上面签名，仪式感十足。眼见呢晚都好多人好似我地咁选择呢个套餐庆祝生日🎂。点餐之后，侍应先送上餐厅自制既洋葱🧅包配自家制牛油🧈。个包好大好大好大个🤣，有好香既洋葱味，外皮微微脆，内里松软，配牛油系好好食。不过始终都要留肚食其他食物，所以我地都只系轻尝咗大约三份一个。侍应都好好人，主动问我地要唔要包好个包俾我地带走。🔆 Appetizer前菜：Lobster Bisque 龙虾🦞汤龙虾🦞汤质地浓稠，偏橙黄色，加有忌廉入口幼滑带著浓浓既龙虾🦞味道，仲有件大大既龙虾🦞肉喺碗底。龙
💁♀️💁♂️ 31/3/2023(Fri), Dinner🍽
又到为食妙妙既生日，每年A先生都花尽心思去揾餐厅🍴同为食妙妙食饭庆祝，希望可以开开心心咁食返餐好既，就好似我地既主题咁“有得食就会好开心”。
今晚我地拣咗尖沙咀既Morton’s，就系睇中佢环境气氛适合庆生🎉，美式扒房既服务唔会太拘谨，轻轻松松咁食餐生日饭。
而今晚我地order咗：
🔆 Special Occasion Set Menu （$2088）
选择呢个套餐会包括餐枱既布置，menu上会印上寿星既名字，仲有侍应帮你影相之后会用卡套裱起张相，再有全体职员喺卡套上面签名，仪式感十足。眼见呢晚都好多人好似我地咁选择呢个套餐庆祝生日🎂。
洋葱包
333 浏览
3 赞好
0 留言
点餐之后，侍应先送上餐厅自制既洋葱🧅包配自家制牛油🧈。个包好大好大好大个🤣，有好香既洋葱味，外皮微微脆，内里松软，配牛油系好好食。不过始终都要留肚食其他食物，所以我地都只系轻尝咗大约三份一个。侍应都好好人，主动问我地要唔要包好个包俾我地带走。
Lobster Bisque 龙虾汤
253 浏览
0 赞好
0 留言
🔆 Appetizer前菜：Lobster Bisque 龙虾🦞汤
龙虾🦞汤质地浓稠，偏橙黄色，加有忌廉入口幼滑带著浓浓既龙虾🦞味道，仲有件大大既龙虾🦞肉喺碗底。龙虾🦞肉鲜甜弹牙，配合幼滑龙虾🦞汤，质素很高👍🏻。
Fresh Oysters on the Half-Shell 新鲜生蚝
203 浏览
0 赞好
0 留言
🔆 Appretizer前菜：Fresh Oysters on the Half-Shell 新鲜生蚝🦪
今晚嘅生蚝系来自南非🇿🇦，有三只半壳生蚝，伴上三款酱汁，再加tabasco同柠檬🍋，总有一款岩你口味。size唔算太大只，但只只都肥美饱满，食落蚝肉爽口，轻轻带点海水🌊味。
Porterhouse Steak 上等腰肉牛扒 24oz
217 浏览
1 赞好
0 留言
🔆 Entrée 主菜：Porterhouse Steak 上等腰肉牛扒🥩 24oz
点菜时侍应会捧住一大盘唔同部位既牛扒🥩喺你面前介绍，我地今晚就选择咗24oz既Porterhouse Steak，Morton’s既牛扒都系嚟自美国🇺🇸，经过熟成之后肉质更嫩、肉味更浓。Porterhouse steak喺骨既两边分别系Sirloin西冷同埋Filet牛柳，两件肉因为运动量既关系，脂肪量同埋肉质都完全唔同，一件牛扒🥩食晒两种肉。
一如既往，我地都系选择medium，餐厅既烤炉相信火力十足，能够烤出真正外脆肉嫩既牛扒🥩。西冷肉质嫩得来带咬口，肉味比较浓一点，油脂比较丰富一点，入口满口脂香。牛扒的表面烤得带焦香带脆，但内里仍有肉汁。牛柳的一边肉质再软腍一点，感觉似棉花糖一般，轻轻一咬便滑入喉咙，但脂香同肉香就及不上西冷。
（上）Parmesan & Truffle Fries 芝士松露炸薯条；（下）Sautéed Button Mushrooms 炒原粒蘑菇
185 浏览
1 赞好
0 留言
🔆 Side Dish 配菜：Parmesan & Truffle Fries 芝士松露炸薯条🍟
薯条🍟系幼身既，炸得香脆再喺上面洒上芝士及松露，香气十足。
🔆 Side Dish 配菜：Sautéed Button Mushrooms 炒原粒蘑菇🍄
原粒磨菇🍄炒得富蒜香同牛油香，咬落去仍保留菇既香味，也算不俗。
Morton's Legendary Hot Chocolate Cake 莫尔顿经典焗暖心朱古力饼
212 浏览
1 赞好
0 留言
🔆 Dessert 甜品：Morton's Legendary Hot Chocolate Cake 莫尔顿经典焗暖心朱古力饼
碟边写上Happy Birthday同寿星既名，朱古力饼焗得表皮香脆，内里仍是流质的，虽然未至于好流心，但都食得出表皮香脆同内里既熔岩般既质感。入口朱古力🍫味香浓，甜度系美国🇺🇸style，即系偏甜。伴有一球云尼拿雪糕，混合一齐食，除咗有冷热交融既效果，仲可以中和一点朱古力既甜度。
Jumbo Crab Cake 珍宝蟹饼
163 浏览
0 赞好
0 留言
🔆 Jumbo Crab Cake 珍宝蟹饼🦀（$240）
知道蟹饼🦀系餐厅既名物，所以喺套餐之外都另叫咗一件嚟分享。蟹饼都好大件，外面煎得金黄，内里全是一梳梳既蟹肉。伴碟有烤过既柠檬🍋同埋蛋黄酱，点少少可以提升蟹饼既鲜甜味道，不过蟹饼其实就咁食都已经好鲜味，果然系餐厅既名物。
（左）Mocktail: Apple “T”；（右）Pinot Nior
164 浏览
2 赞好
0 留言
🔆 Pinot Nior🍷（$160）
酒色偏淡，酒既酸度正好中和返牛扒🥩既油腻感。
🔆 Mocktail: Apple “T”🍎（$70）
侍应推介既一杯mocktail，简简单单就咁冰茶加雪碧再加苹果🍎糖浆，入口清新，苹果🍎味香甜，系A先生因为揸车🚗而唔饮得酒既代替品。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：❤❤❤❤❤(5/5)
❤🙆♀️(为食妙妙)整体食评：❤❤❤❤❤(5/5)
👉🏻 虽然枱同枱之间唔算好阔落，但唔会话好嘈杂，加上餐厅柔和既灯光，气氛都好轻松舒服
👉🏻 侍应服务都好周到，总会喺你需要既时候出现，唔会打扰食客进餐
A先生车友指数 🚗
🛣️ 交通容易指数：🚗🚗🚗🚗🚗(5/5)
🅿️ 泊车容易指数：🚗🚗🚗🚗(4/5)
👉🏻 隔离H Zentre既中间道停车场🅿️有大量车位，晚上6点后入车都只系$18一小时。不过停车场🅿️通道🛣️就比较窄啲，有对头车就要互相就一下
👉🏻 尖沙咀既公共交通绝对系十分方便，港铁🚇、巴士🚌、天星小轮⛴️都可以轻易到达
🔆🔆🔆🔆🔆🔆🔆🔆🔆🔆🔆🔆🔆
张贴
