牛站(駅)麻辣火鍋放題

营业中

休息中

今日同妈咪黎庆祝生日，约喺港铁站等佢都话方便。照旧encore SRF美国极黑和牛片嘅餐盛惠$298/位。包左我最钟意嘅美国和牛片同软嫩五花腩、有纤维感嘅封门柳同牛板腱都好食，当然有其他肉拣，但黎呢度真系要留位比其他冷热盘甜品。海鲜类以沙白、帆立贝我觉得最抵最正，块肉又厚又鲜。妈咪叫左田鸡腿食，话好大只好滑。锅底叫鸳鸯锅一个番茄一个药膳，足料够咪，唔会食到个人好口喝。饮品虽然有酒有茶有咖啡汽水果汁，但比我发现到竟然有Coconut black tea之后已无饮其他，好椰又清。妈咪巡视完自取区，都话太丰富了吧！前菜、甜品雪糕、糖水已食到半饱，自取嘅蔬菜好新鲜仲要有贵价菜添！而家先知打边炉食苋菜咁正，好浓菜味又无渣。个人觉得大鱼蛋同长蟹柳都几回本，弹牙又有鱼味。越来越多人了，唔book台walkin 真系未必有位。