Pickled Pelican (已結業)

今日特登入到去赤柱庆祝纪念日，上openrice 就拣咗呢间西餐厅！因为我预早订位所以去到都唔使等！服务: 8/10分呢度嘅侍应十分有礼貌，分别有外国人同香港人侍应，所以语言唔会成为障碍，而且佢哋服务周到，了解顾客所需！环境: 9/10 分呢间餐厅有两层楼，地下系酒吧，2楼系西餐厅，本人极力推介要坐2楼，因为坐得舒服啲之余2楼装修仲具有英国古典风格整体食物质素: 8/10 分安格斯牛肉汉堡拼薯条 7/10分落单时侍应会问安格斯牛想要几成熟，我就拣咗五成，但其实出到嚟都差唔多成七成熟，好彩嘅系牛肉唔会太韧。值得一赞嘅系佢嘅薯条，炸得好脆口，十分新鲜， 食到停唔到口！龙虾汁虎虾扁意粉 8/10分虎虾十分爽口、分量有成六七只，而且仲好细心已经去掉左虾壳！龙虾汁味够抢，配埋少许蕃茄汁味，十分之夹！维也纳鸡扒: 9/10 分呢个系最意外惊喜嘅主菜，本身以为鸡扒系香煎，但系佢系用咗面包糠去炸！最欣赏系佢嘅炸粉一啲都唔厚，而且面层仲有芝士味，十分可口！