皇庭匯 (已結業)

为咗庆祝本人喺openrice晋升为「卓越食家」，所以我们一家四口一早预订咗今晚去「皇庭汇」旺角店食晚饭庆祝！我们叫咗炖竹丝鸡汤、笼仔顶角大糕蟹蒸饭、清蒸顶角大糕蟹、咕噜芝麻黑豚肉同石锅腊味炒芥兰！炖竹丝鸡汤真系超足料，味道相当芳香浓郁！今次嘅笼仔顶角大糕蟹蒸饭同清蒸顶角大糕蟹系我们嚟食过咁多次最超级多糕嘅一次，啲蟹糕多到布满整个蟹盖，蟹糕非常甘香，味道非常鲜甜，肉质相当新鲜弹牙！咕噜芝麻黑豚肉非常外脆内软，外层嘅炸粉唔会太厚！石锅腊味炒芥兰嘅芥兰非常爽脆幼嫩，腊味嘅味道好香浓，散发出淡淡嘅油香，芥兰吸收晒腊味香味！