雅廊咖啡室 (裝修中)

今晚我们一家四口庆祝哥哥嘅生日，所以我们去咗之前食过觉得几好嘅尖沙咀富豪九龙酒店嘅「雅廊咖啡室」食自助晚餐！他们今期嘅主题系海鲜，当中我们最钟意嘅冻龙虾，今期新推出嘅系美国缅因州冻龙虾嘅肉质极之爽滑弹牙，味道非常鲜甜，比以前食开嘅加拿大冻龙虾更加爽甜！另一款我们最钟意嘅西班牙海鲜炒饭之前嘅卖相已经好精致吸引，但今次嘅摆设卖相更加色彩缤纷同舖砌得非常整齐，海鲜嘅份量多到差唔多遮盖晒啲炒饭，炒饭炒得好干身，而且唔会好油腻嘅感觉！蒜蓉粉丝蒸大元贝嘅肉质相当鲜嫩弹牙，蒜蓉嘅份量唔系太多，唔会掩盖咗元贝本身嘅鲜甜味！至于甜品方面，有啲新款式，当中我们食咗几款之后觉得双重朱古力慕丝蛋糕系最好味嘅，外层系超级浓郁嘅朱古力浆同朱古力碎片，入面系有两层慕丝蛋糕，上层系朱古力味，下层系吉士味，质感极之软滑，味道超香甜！另外！本人订位𠮶阵话哥哥生日，餐厅话会有个蛋糕送，同埋有即场有师傅画写名字同图案，所以本人就写咗大约嘅概念同意思畀师傅参考，去到差唔多食到最尾𠮶阵，店员就攞个蛋糕出嚟，哥哥见到之后觉得超级开心同惊喜万分！值得一赞嘅系师傅嘅手工，真系画得好精致同好有心思！