夜上海 (已結業)

以前同妈妈o黎食过lunch，o寻日母亲节又预早订定位同妈妈庆祝。贪佢环境唔错又比一般高级的酒楼较平(o寻日母亲节关系，坐得较迫)，而且又唔驶一定食set，可以散叫。有几款母亲节套餐，唔抵食又唔o岩食，所以散叫。冷盘先有青瓜海蜇头-海哲切得好碎，同埋青瓜都爽口，黄芥辣酱俾你点，不过毫无味道。熏鱼-汁味道好浓好味、鱼肉较实，老豆话买相好似叉烧。再o黎老豆钟意饮的腌笃鲜，汤底几甜，不过汤料劲少，得少少白菜同咸肉，这个汤就不及中环小南国好。细妹点了个宁波肋骨，似系干炸一字骨，肉质不至于韧但好干，只得咸味。今次自动点咕噜肉竟然系老豆，这个咕噜肉实在太差，味道唔得外，d肉太松散，唔得结实。松子鸡米-松子同鸡肉碎等材料放入d烧饼度，味道一般，唔系特别好食，150蚊一碟好唔抵，可能系松子贵的关系。烧饼叫做松化，但唔系做得特别好的一间，比泰丰廔差好远。最后面食系老豆钟意的上海粗炒，同埋妈妈钟意的素菜包。上海粗炒比一般上海舖多油，而且面又谂。素菜包就唔错，面包松软又薄，而又劲多素菜，味道恰好。埋单820蚊，一来在这个地方，二来在这节日里，一D都唔算贵。