影片
更多
2021-06-27
1915 浏览
每年都总会有值得庆祝嘅日子，而位处The Ritz-Carlton嘅呢间米芝莲一星餐厅绝对系精选！主厨Angelo Agliano师承名厨Joel Robuchon，2019年接手以嚟已连续两年帮餐厅摘一星！AppetizersBeef Tartare 比Tuna Sea Urchin吸引海胆散发阵阵海水味，金鎗鱼肉质柔韧带酸，配上多种香草🌿有点辛辣劲度，好开胃！另外Beef Tartare配上鱼子酱，海水盐味调和肉嘅鲜甜，再捞埋个鹌鹑蛋非常香滑，海陆空嘅原素喺齐一个tartare，每一啖都香浓细致！First CoursesBusiate Red Prawns令人眼前一亮！Angelo自细喺西西里长大，出身渔民世家，所以自细都以渔获为食材，对于烹调海鲜手到拿来，不得不赞个红虾真系正到不！得！了！红虾唔算大只，但虾头膏量十足，虾壳独有嘅香味渗入虾肉每一吋，西西里扭纹粉系每日新鲜手制，入口非常Al dente！当日去到无Angelo名菜「海胆意大利饭‧山葵」提供，虽然失望但明知食材可遇不可求，就退而求其次叫左牛膝炖肉意大利饭，Risotto 非常有嚼劲，米粒吸收左汤汁精华，每一口都充满牛
而位处The Ritz-Carlton嘅呢间米芝莲一星
餐厅绝对系精选！
主厨Angelo Agliano师承名厨Joel Robuchon，
2019年接手以嚟已连续两年帮餐厅摘一星！
Appetizers
Beef Tartare 比Tuna Sea Urchin吸引
海胆散发阵阵海水味，金鎗鱼肉质柔韧带酸，
配上多种香草🌿有点辛辣劲度，好开胃！
另外Beef Tartare配上鱼子酱，海水盐味调和肉嘅鲜甜，
再捞埋个鹌鹑蛋非常香滑，
海陆空嘅原素喺齐一个tartare，每一啖都香浓细致！
First Courses
Busiate Red Prawns令人眼前一亮！
Angelo自细喺西西里长大，出身渔民世家，
所以自细都以渔获为食材，对于烹调海鲜手到拿来，
不得不赞个红虾真系正到不！得！了！
红虾唔算大只，但虾头膏量十足，
虾壳独有嘅香味渗入虾肉每一吋，
西西里扭纹粉系每日新鲜手制，
入口非常Al dente！
当日去到无Angelo名菜「海胆意大利饭‧山葵」提供，
虽然失望但明知食材可遇不可求，
就退而求其次叫左牛膝炖肉意大利饭，
Risotto 非常有嚼劲，米粒吸收左汤汁精华，
每一口都充满牛香，最得意系有碟牛骨另上，
用汤匙𢳂起中间嘅骨髓食，伴随香草蕃茄酱，
啖啖都系极浓厚嘅牛香(⁎⁍̴̛ᴗ⁍̴̛⁎)
我又未试过咁样食牛骨髓，原来可以咁特别！
Main Courses
我估唔到自己会点咁和牛西冷！
不过呢款同Sheraton 果只口完全唔同，
亦唔系日式和牛果重充满油香嘅牛扒，
呢款肉味非常浓郁，咬落嫩身全块无筋位，
食得出牛肉一丝丝嘅肉感，再配合适当嘅油香，
牛扒靓到无得弹，极度impressive！
而且份量非常足够两个人食！
Desserts
因为冧酒蛋糕我好少会食，
嚟到呢间米芝莲星级餐厅当然叫一个比较少机会食嘅，
冧酒有好多款比客人择，当日有smoky,
呍呢嗱同埋53度烈酒的，
我择左只有呍呢嗱味～
蛋糕有少少似面包蛋糕，用冧酒浸满蛋糕再享用，
蛋糕无因为浸完酒完散哂，
配上奶油香满满嘅忌廉中和咗酒味，
系大人就会欣赏嘅甜品～
最后就系Tiramisu，系一个好多地方都食到嘅甜品，
Tiramisu系系其中一样招牌菜，
食落质地滑溜香浓，配咖啡沙冰一啲都唔腻！
今餐饭每人食左4个courses，
份量比想像中大好多，
唔会有又贵又唔饱嘅情况，
同埋每一个食材都由意大利进口，
由橄榄油到冧酒都有得择，
迎合每位客人唔同口味！
Busiate Red Prawns
$488
27 浏览
0 赞好
0 留言
张贴
