Catee (已結業)

前世情人话请我食餐饭，庆祝母亲节，两母子就去左荃湾catee呢间咁有情调嘅西餐厅😙餐厅虽然有个cat字，但就冇真猫猫，反而好多猫猫装饰布置咁，我地坐了近大门卡位，环境都几舒适～食西餐嘛，当然要食啲前菜，order左半打香蒜牛油焗蚝，配料香喷喷，未食都流晒口水，蚝都大只肥美，超醒神好味～主菜就点了烤纽西兰肉眼扒，配衬嘅自家制酸菜好特别，令人好开胃，肉扒7成熟刚刚好，肉汁香浓，鲜嫩淋身易入口😋囝囝爱吃海鲜，所以点了蒜香鲜蚬炒意大利粉，上台香喷喷，蚬肉份量多够新鲜，面质弹牙，囝囝表示收货～食埋是日甜抹茶蛋糕，好满足哦！