Chez Bistro

营业中

休息中

咁啱出咗消费券，就同老婆去食烛光晚餐，下午去完铜锣湾shopping完之后就去，舖头位于铜锣湾时代后面， 十分方便。好彩有订位姐，星期六已经好full好full，餐厅侍应有推介二人餐俾我哋，啱啱好唔使谂。首先嗌咗个海鲜拼盘，个蚝size超级大，亦都好鲜甜，而𠮶个螺亦都系好有惊喜，非常之新鲜，一拉个螺肉出嚟就充满海水嘅咸香味。另外老婆就清清地嗌咗个凯撒沙律做头盘，餐汤就定左系黑松露杂菌餐汤，呢个餐汤好足料，用咗好多菇熬制而成，每一啖都系满满嘅菇同埋忌廉嘅香味，仲加埋少少黑松露嘅点缀，呢个汤真系非常之好出色。到主菜啦，我哋嗌咗牛扒同埋忌廉蟹肉意粉，牛扒非常之重牛肉味，肉汁超多，而且佢个汁做得非常之出色。意粉呢，反而就更加有惊喜，每一条意粉都被忌廉汁同蟹肉包围。最后我哋仲一人拣咗一个甜品，老婆就嗌咗芒果千层蛋糕，我就拣咗哈密瓜加雪芭，总括而言呢间餐厅嘅性价比极高，下次可以约埋一班朋友嚟。