彩晶軒 (已結業)

庆祝父亲节,一家人去了酒楼食饭,要坐到多人又要豪食仲要岩食都真系得酒楼,去开都系呢间最就脚,因为老豆钟意食龙虾,叫左个波士顿龙虾伊面,好多肉,够新鲜又爽口,伊面够入味好食呀。见到推介鱼籽海胆酿鲁蛋,好特别既菜式,听讲仲要唔系晚晚都有,我谂似乎咩日子同海胆够唔够新鲜先有,真系讲彩数,大家都系钟意试新野之人,即叫,有鱼子同海胆好名贵,海胆都够鲜味唔腥,够特别我钟意。珍珠鸡,最近次次去酒楼都食到一大笼上既珍珠鸡,都几好食,糯米饭香喷喷够软绵,咁袖珍都足料果下先正。凡系时节酒楼必有寿包出现,呢次都唔例外,不过我地一家好钟意食寿包,当饭后甜品呀。以上果D一定清盘,名贵野又好食,仲叫左好多野食...太满足了,不过最开心都系大家可以抽到时间一齐食饭,见下面。